സഞ്ജു ടീമിലില്ല... ബിസിസിഐയ്ക്കു പൊങ്കാല!! എന്തു കൊണ്ട് പന്തിനെപ്പോലെ അവസരമില്ല?

പന്തിനെപ്പോലെ അവസരം നല്‍കാത്തതെന്ത്?

സഞ്ജുവിനെ വീണ്ടും ഒഴിവാക്കി... നിങ്ങള്‍ക്കു നാണക്കേട് തോന്നണം. പ്രതിഭയുള്ള യുവ ബാറ്റ്‌സ്മാനാണ് അദ്ദേഹം. എന്തു കൊണ്ട് റിഷഭ് പന്തിനെപ്പോലെ നിങ്ങള്‍ അവസരം നല്‍കുന്നില്ലെന്നായിരുന്നു ഒരു ട്വീറ്റ്.

അനീതിയുടെ ഇര

വീണ്ടും അനീതിയുടെ ഇരയായിരിക്കുകയാണ് സഞ്ജു. ഒരു അവസരം നല്‍കി ഇപ്പോള്‍ ടീമിനു പുറത്താക്കിയിരിക്കുന്നു. വളരെ നല്ല സെലക്ഷന്‍.. എംഎസ്‌കെ പ്രസാദിന് അഭിനന്ദനങ്ങളെന്ന് മറ്റൊരാള്‍ പരിഹസിച്ചു.

നാണക്കേട് തോന്നുന്നു

സഞ്ജു സാംസണ്‍ ഇന്ത്യന്‍ സംഘത്തില്‍ സ്ഥാനം അര്‍ഹിച്ചിരുന്നു. ബിസിസിഐയെക്കുറിച്ച് നാണക്കേട് തോന്നുന്നുവെന്നായിരുന്നു മറ്റൊരു ട്വീറ്റ്.

സഞ്ജു എന്ത് തെറ്റ് ചെയ്തു?

സഞ്ജു എന്തു തെറ്റാണ് ചെയ്തത്? പന്ത് അത്ര നന്നായി ചെയ്തതും എന്താണ്? നിങ്ങള്‍ സഞ്ജുവിനെ തിരഞ്ഞെടുത്തു, പക്ഷെ അവസരം നല്‍കിയില്ല, ഇപ്പോള്‍ ഒഴിവാക്കുകയും ചെയ്തു. എന്തു കൊണ്ട്? സെലക്ഷന്‍ കമ്മിറ്റി എങ്ങനെയാണ് ചിന്തിക്കുന്നത്. കോലിയുടെ ടീമില്‍ ഓരോ താരത്തിനും കുറച്ചു സ്‌റ്റൈല്‍ വേണമെന്നു താന്‍ പല തവണ ശ്രദ്ധിച്ചിട്ടുണ്ട്. പന്ത്, രാഹുല്‍ ഇവരൊക്കെ ഇതിന് ഉദാഹരണമാണെന്നും മറ്റൊരാള്‍ തുറന്നടിച്ചു.

എന്തു ദുരന്തമാണിത്

ഇതെന്ത് ദുരന്തമാണ്... സഞ്ജുവിനെ എന്തു കൊണ്ട് സംഘത്തില്‍ നിന്നൊഴിവാക്കി. എന്തിന്റെ അടിസ്ഥാനത്തിലാണ് ബിസിസിഐയുടെ സെലക്ഷനെന്നു മനസ്സിലാവുന്നില്ല. സഞ്ജുവിനെ ഒരു മല്‍സരത്തിനു ശേഷം ഒഴിവാക്കിയ നമ്മള്‍ എന്തുകൊണ്ട് ചില കളിക്കാര്‍ക്കു കഴിവ് തെളിയിക്കാന്‍ 15-20 മല്‍സരങ്ങള്‍ നല്‍കുന്നുവെന്നു മറ്റൊരാള്‍ പ്രതികരിച്ചു.

പന്തിനെ നിങ്ങള്‍ പിന്തുണയ്ക്കുന്നു

പന്തിന് ഇനിയും മല്‍സരങ്ങള്‍ വേണമെന്ന് പറഞ്ഞാണ് നിങ്ങള്‍ പിന്തുണയ്ക്കുന്നത്. എന്നാല്‍ ഒരിന്നിങ്‌സിനു ശേഷം സഞ്ജുവിനോട് പുറത്തുപോവാന്‍ നിങ്ങള്‍ ആവശ്യപ്പെടുന്നു. ഈ ഇന്നിങ്‌സിനു മുമ്പ് അവസരം നല്‍കാതെ അദ്ദേഹത്തെ നിങ്ങള്‍ ഒഫീഷ്യല്‍ വാട്ടര്‍ ബോയ് ആക്കുകയും ചെയ്തു. അവസരങ്ങള്‍ നല്‍കിയപ്പോഴെല്ലാം പരാജയമായി മാറിയ താരമാണ് പന്തെന്ന് ഒരാള്‍ ട്വീറ്റ് ചെയ്തു.

പന്തിനെ നേരത്തേ പുറത്താക്കണമായിരുന്നു

കഴിവ് തെളിയിക്കാന്‍ സഞ്ജുവിന് ഒരവസരം മാത്രം നല്‍കിയത് അനീതിയാണ്. അങ്ങനെ ആയിരുന്നെങ്കില്‍ റിഷഭ് പന്തിനെ വളരെ മുമ്പ് തന്നെ നിങ്ങള്‍ പുറത്താക്കണമായിരുന്നു. എംഎസ്‌കെ പ്രസാദും സംഘവും എന്തു സെലക്ഷനാണ് നടത്തുന്നത്? എംഎസ്‌കെ പ്രസാദും സംഘവും എത്ര മല്‍സരം ഒരുമിച്ചു കളിച്ചു? ബിസിസിഐ ദയവ് ചെയ്തു ഇതൊന്നു വെളിപ്പെടുത്താമോയെന്നായിരുന്നു ഒരു ട്വീറ്റ്.