ഡി.കെ ഇന്ത്യൻ കോച്ചാകണം, അല്ലെങ്കിൽ ഇംഗ്ലണ്ടോ ഓസ്‌ട്രേലിയയോ കൊണ്ടുപോകും! ആർസിബി താരം പറയുന്നു

17 വർഷത്തെ കാത്തിരിപ്പിന് ശേഷം റോയൽ ചലഞ്ചേഴ്സ് ബെംഗളൂരുവിനെ ആദ്യ ഐപിഎൽ കിരീടത്തിലേക്ക് നയിക്കുന്നതിൽ മെന്ററായും ബാറ്റിംഗ് കോച്ചായും നിർണ്ണായക പങ്കുവഹിച്ച ദിനേഷ് കാർത്തിക്കിന് (DK) പുതിയൊരു വേഷപ്പകർച്ച പ്രവചിച്ചിരിക്കുകയാണ് സഹതാരം ജിതേഷ് ശർമ്മ. ഭാവിയിൽ ഇന്ത്യൻ ക്രിക്കറ്റ് ടീമിന്റെയോ, അല്ലെങ്കിൽ ഇംഗ്ലണ്ട്, ഓസ്‌ട്രേലിയ തുടങ്ങിയ വമ്പൻ രാജ്യങ്ങളുടെയോ മുഖ്യ പരിശീലകനായി കാർത്തിക്കിനെ കാണാൻ സാധിക്കുമെന്നാണ് ജിതേഷിന്റെ അവകാശവാദം. 'ദി റൺവീർ ഷോ'യിൽ (The Ranveer Show) സംസാരിക്കവെയാണ് ജിതേഷ് ഈ ബോൾഡ് സ്റ്റേറ്റ്‌മെന്റ് നടത്തിയത്.

IPL 2026: സഞ്ജുവല്ല, സിഎസ്കെയുടെ രാജാവ് അവൻ തന്നെ!; അശ്വിന്റെ പ്രവചനത്തിൽ ഞെട്ടി ആരാധകർ
"ഡികെയുടെ തന്ത്രങ്ങൾ വേറെ ലെവൽ!"

ദിനേഷ് കാർത്തിക്കിന്റെ ക്രിക്കറ്റ് വിജ്ഞാനവും ഗെയിം പ്ലാനുകളും അന്താരാഷ്ട്ര തലത്തിൽ ഏതൊരു ടീമിനും മുതൽക്കൂട്ടാകുമെന്ന് ജിതേഷ് വിശ്വസിക്കുന്നു. "ദിനേഷ് കാർത്തിക്കിന് അടുത്ത ഇന്ത്യൻ കോച്ചോ അതല്ലെങ്കിൽ ഇംഗ്ലണ്ട്, ഓസ്‌ട്രേലിയ പോലുള്ള വലിയ രാജ്യങ്ങളുടെ പരിശീലകനോ ആകാൻ സാധിക്കും. കളിക്കാരെ കൃത്യമായി മനസ്സിലാക്കാനും അവരുടെ സമീപനത്തിൽ മാറ്റങ്ങൾ വരുത്താനും അദ്ദേഹത്തിന് പ്രത്യേക കഴിവുണ്ട്. ഇന്ത്യ അദ്ദേഹത്തെ കോച്ചാക്കിയില്ലെങ്കിൽ തീർച്ചയായും മറ്റ് വിദേശ ടീമുകൾ അദ്ദേഹത്തെ തേടിയെത്തും," ജിതേഷ് പറഞ്ഞു.

2025 സീസണിൽ ആർസിബിയുടെ ബാറ്റിംഗ് കോച്ചായും മെന്ററായും പ്രവർത്തിച്ച കാർത്തിക്, ടീമിനെ ചരിത്രത്തിലാദ്യമായി കിരീടത്തിലേക്ക് നയിക്കുന്നതിൽ വലിയ പങ്കുവഹിച്ചിരുന്നു. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ആവേശകരമായ ഫൈനലിൽ പഞ്ചാബ് കിംഗ്‌സിനെ തോൽപ്പിച്ചാണ് ആർസിബി തങ്ങളുടെ കന്നി കിരീടം സ്വന്തമാക്കിയത്.

ജിതേഷിന്റെ മാറ്റത്തിന് പിന്നിൽ ഡികെ!

തന്റെ കരിയറിലെ തന്നെ ഏറ്റവും മികച്ച ഫോമിലേക്ക് ഉയരാൻ സഹായിച്ചത് ദിനേഷ് കാർത്തിക്കാണെന്ന് ജിതേഷ് വെളിപ്പെടുത്തി. "എന്റെ ബാറ്റിംഗ് ശൈലിയിലും കളിയെ കാണുന്ന രീതിയിലും വലിയ മാറ്റങ്ങൾ കൊണ്ടുവരാൻ ഡികെ സഹായിച്ചു. കഠിനാധ്വാനത്തിലും സ്വന്തം കഴിവിലും വിശ്വസിക്കാൻ അദ്ദേഹം പഠിപ്പിച്ചു," ജിതേഷ് നന്ദിയോടെ സ്മരിച്ചു. 2025 സീസണിൽ നിർണ്ണായക ഘട്ടങ്ങളിൽ വെടിക്കെട്ട് ബാറ്റിംഗിലൂടെ ടീമിനെ ഫൈനലിലെത്തിക്കാൻ ജിതേഷിന് സാധിച്ചിരുന്നു.

2008-ൽ ഐപിഎല്ലിന്റെ തുടക്കം മുതൽ 2024-ൽ വിരമിക്കുന്നത് വരെ എല്ലാ സീസണുകളിലും സജീവമായി നിലകൊണ്ട താരമായിരുന്നു ദിനേശ് കാർത്തിക്. 257 മത്സരങ്ങളിൽ നിന്നായി ഡൽഹി ഡെയർഡെവിൾസ്, പഞ്ചാബ് കിംഗ്‌സ്, മുംബൈ ഇന്ത്യൻസ്, റോയൽ ചലഞ്ചേഴ്സ് ബെംഗളൂരു (RCB), ഗുജറാത്ത് ലയൺസ്, കൊൽക്കത്ത നൈറ്റ് റൈഡേഴ്സ് (KKR) എന്നീ ആറ് വ്യത്യസ്ത ഫ്രാഞ്ചൈസികൾക്കായി അദ്ദേഹം കളത്തിലിറങ്ങി. 135.36 സ്‌ട്രൈക്ക് റേറ്റിൽ 4,842 റൺസാണ് താരം അടിച്ചുകൂട്ടിയത്.

IPL 2026: പന്തിന്റെ 'കുഴപ്പം' യുവിക്ക് പിടികിട്ടി!! നല്‍കിയത് ഈ പരിശീലനം, വെളിപ്പെടുത്തി ഇര്‍ഫാന്‍
2018-ൽ കെകെആറിനെ പ്ലേഓഫിലേക്ക് നയിച്ച നായകനായിരുന്നെങ്കിലും, കരിയറിന്റെ അവസാന ഘട്ടത്തിൽ അദ്ദേഹം നടത്തിയ 'ഫിനിഷർ' വേഷപ്പകർച്ചയാണ് ഏറെ ശ്രദ്ധിക്കപ്പെട്ടത്. 2022-ൽ ആർസിബിക്ക് വേണ്ടി 183.33 സ്‌ട്രൈക്ക് റേറ്റിൽ ബാറ്റ് വീശിയ 'ഡികെ 2.0' ആരാധകരെ വിസ്മയിപ്പിച്ചു. 2024-ൽ കളിക്കാരനെന്ന നിലയിൽ വിരമിച്ച ഉടൻ തന്നെ ആർസിബിയുടെ മെന്ററായും ബാറ്റിംഗ് കോച്ചായും ചുമതലയേറ്റ കാർത്തിക്, 2025-ൽ ടീമിനെ അവരുടെ ചരിത്രത്തിലെ ആദ്യ ഐപിഎൽ കിരീടത്തിലേക്ക് നയിക്കുന്നതിൽ നിർണ്ണായക പങ്കുവഹിച്ചു

മാർച്ച് 28-ന് സൺറൈസേഴ്‌സ് ഹൈദരാബാദിനെതിരെ ചിന്നസ്വാമി സ്റ്റേഡിയത്തിൽ നടക്കുന്ന ഉദ്ഘാടന മത്സരത്തിൽ നിലവിലെ ചാമ്പ്യന്മാരായ ആർസിബിക്കായി ജിതേഷ് വീണ്ടും ക്രീസിലിറങ്ങും.