സിഎസ്കെ തങ്ങളുടെ ട്വിറ്റര് പേജിലൂടെയാണ് ധോണി ടീമിനൊപ്പം ചേര്ന്ന വിവരം ലോകത്തെ അറിയിച്ചത്. ഹോട്ടലിലേക്കു ധോണി വരുന്നതിന്റെയും തുടര്ന്നു ഇവിടെയുള്ള സൗകര്യങ്ങള് പരിശോധിക്കുന്നതിന്റെയും വീഡിയോ സിഎസ്കെ ട്വിറ്ററില് പോസ്റ്റ് ചെയ്തിട്ടുണ്ട്.
|
നീണ്ട ഇടവേളയ്ക്കു ശേഷം ധോണിയുടെ ക്രിക്കറ്റിലേക്കുള്ള മടങ്ങിവരവ് കൂടിയാണ് ഇത്തവണത്തെ ഐപിഎല്. കഴിഞ്ഞ വര്ഷം ഇംഗ്ലണ്ടില് നടന്ന ഐസിസിയുടെ ഏകദിന ലോകകപ്പിന്റെ സെമി ഫൈനലിലാണ് ധോണി അവസാനമായി കളിച്ചത്. അതിനു ശേഷം ക്രിക്കറ്റില് നിന്നും വിട്ടുനില്ക്കുകയായിരുന്നു അദ്ദേഹം. ഇതിനിടെ ധോണി വിരമിച്ചേക്കുമെന്ന തരത്തില് പല അഭ്യൂഹങ്ങളും പരന്നെങ്കിലും അദ്ദേഹം ഇവയോടൊന്നും പ്രതികരിച്ചിരുന്നില്ല.
ധോണി മാത്രമല്ല പ്രമുഖ ബാറ്റ്സ്മാന് അമ്പാട്ടി റായുഡു, പേസര് കാണ് ശര്മ, വെറ്ററന് സ്പിന്നര് പിയൂഷ് ചൗള എന്നീ മുന് ദേശീയ താരങ്ങളും ആഭ്യന്തര ക്രിക്കറ്റിലെ ചില കളിക്കാരും സിഎസ്കെ ക്യാംപിനൊപ്പം ചേര്ന്നിട്ടുണ്ട്.
ഐപിഎല്ലിന്റെ ഈ സീസണിനു മുന്നോടിയായി ചുരുക്കംകളിക്കാരെ മാത്രമേ സിഎസ്കെ ലേലത്തില് സ്വന്തമാക്കിയിട്ടുള്ളൂ. കഴിഞ്ഞ സീസണില് തങ്ങള്ക്കൊപ്പമുണ്ടായിരുന്ന ഭൂരിഭാഗം പേരെയും സിഎസ്കെ നിലനിര്ത്തുകയായിരുന്നു.
പിയൂഷ് ചൗള, ഓസ്ട്രേലിയന് പേസര് ജോഷ് ഹാസ്സ്ല്വുഡ്, ഇംഗ്ലീഷ് ഓള്റൗണ്ടര് സാം കറെന് എന്നിവരാണ് പുതുതായി ടീമിലെത്തിയവരില് പ്രമുഖര്.
മാര്ച്ച് 29ന് സിഎസ്കെയും രോഹിത് ശര്മ നയിക്കുന്ന മുംബൈ ഇന്ത്യന്സും തമ്മിലാണ് ഐപിഎല്ലിലെ ഉദ്ഘാടന മല്സരം. കഴിഞ്ഞ സീസണിലെ ഫൈനലിന്റെ റീപ്ലേ കൂടിയാണിത്. അന്നു ആവേശകരമായ മല്സരത്തില് സിഎസ്കെയെ വീഴ്ത്തി മുംബൈ തങ്ങളുടെ നാലാം കിരീടം കൈക്കലാക്കിയിരുന്നു.
കഴിഞ്ഞ ഫൈനലിലെ പരാജയത്തിനു കണക്കുതീര്ക്കാന് സിഎസ്കെയ്ക്കു ലഭിച്ച അവസരം കൂടിയാണ് ഇത്തവണത്തെ കന്നിയങ്കം.