Click it and Unblock the Notifications
2013ല് ധോണി നയിച്ച ഇന്ത്യ ഐസിസി ചാംപ്യന്സ് ട്രോഫിയില് ജേതാക്കളായിരുന്നു. അന്നു കലാശപ്പോരില് ആതിഥേയരായ ഇംഗ്ലണ്ടിനെ വീഴ്ത്തിയായിരുന്നു ഇന്ത്യയുടെ കിരീടധാരണം. ആവേശകരമായ ഫൈനലില് അഞ്ചു റണ്സിനാണ് ഇംഗ്ലണ്ടിനെ ഇന്ത്യ മുട്ടുകുത്തിച്ചത്.
ഫൈനലില് ധോണിയുടെ നിര്ദേശം ഇംഗ്ലണ്ടിന്റെ അപകടകാരയായ ബാറ്റ്സ്മാന് ജൊനാതന് ട്രോട്ടിനെ പുറത്താക്കാന് തന്നെ സഹായിച്ചതിനെക്കുറിച്ചാണ് അശ്വിന് വെളിപ്പെടുത്തിയിരിക്കുന്നത്. അന്നത്തെ വിക്കറ്റിന് താന് കടപ്പെട്ടിരിക്കുന്നത് ധോണിയോടാണെന്നും ഓഫ് സ്പിന്നര് പറയുന്നു.
വ്യക്തിഗത സ്കോര് 20 റണ്സില് നില്ക്കെയാണ് അശ്വിന്റെ ഓവറില് ട്രോട്ടിനെ ധോണി സ്റ്റംപ് ചെയ്ത് ഔട്ടാക്കിയത്. ധോണിയുടെ ഉപദേശമാണ് അന്നു തന്നെ ഇതിനു സഹായിച്ചതെന്നു അദ്ദേഹം പറയുന്നു.
മല്സരത്തില് ഞാനെറിഞ്ഞ ആദ്യ ഓവറിലാണ് ട്രോട്ടിനെ ധോണി സ്റ്റംപ് ചെയ്ത് ഔട്ടാക്കിയത്. അന്നു ഓവറിനിടെ ധോണി അടുത്തേക്കു വന്ന് പറഞ്ഞത് ഇപ്പോഴും ഓര്മയുണ്ട്. ട്രോട്ടിനെതിരേ ഓവര് ദി സ്റ്റംപ് ബൗള് ചെയ്യരുത്. റൗണ്ട് ദി സ്റ്റംപ് ബൗള് ചെയ്യൂ. ട്രോട്ട് ലെഗ് സൈഡിലേക്കാണ് കളിക്കാന് ശ്രമിക്കുക. പന്ത് സ്പിന് ചെയ്യുകയാണെങ്കില് സ്റ്റംപ് ചെയ്ത് ഔട്ടാക്കാം. ധോണി തന്നോടു എങ്ങനെ അന്നു അത്ര കൃത്രമായി പറഞ്ഞുവെന്ന് ഇപ്പോഴുമറിയില്ലെന്നു റെയ്നയുമായുള്ള ലൈവില് അശ്വിന് വിശദമാക്കി.
മഴയെ തുടര്ന്നു 2013ലെ ചാംപ്യന്സ് ട്രോഫി ഫൈനല് 20 ഓവര് വീതമാക്കി വെട്ടിക്കുറച്ചിരുന്നു.ടോസ് നഷ്ടപ്പെട്ട് ബാറ്റിങിന് അയക്കപ്പെട്ട ഇന്ത്യ ഏഴു വിക്കറ്റിന് 129 റണ്സാണ് നേടിയത്. വിരാട് കോലി (43), രവീന്ദ്ര ജഡേജ (33*), ശിഖര് ധവാന് (31) എന്നിവര് മാത്രമേ ഇന്ത്യന് നിരയില് രണ്ടക്കം കടന്നുള്ളൂ. രോഹിത് ശര്മ (9), ദിനേഷ് കാര്ത്തിക് (6), സുരേഷ് റെയ്ന (1), ധോണി (0) എന്നിവരെല്ലാം നിരാശപ്പെടുത്തി.
മറുപടിയില് ഇതേ നാണയത്തില് തിരിച്ചടിച്ച ഇന്ത്യ ഇംഗ്ലണ്ടിനെ എട്ടു വിക്കറ്റിന് 124 റണ്സിലൊതുക്കുകയായിരുന്നു. 33 റണ്സെടുത്ത ഇയോന് മോര്ഗനായിരുന്നു ടോപ്സ്കോറര്. ബാറ്റിങിനൊപ്പം രണ്ടു വിക്കറ്റുമായി ബൗളിങിലും തിളങ്ങിയ ജഡേജയായിരുന്നു മാന് ഓഫ് ദി മാച്ച്. അശ്വിന്, ഇഷാന്ത് ശര്മ എന്നിവരും അന്നു രണ്ടു വിക്കറ്റ് വീതമെടുത്തിരുന്നു.
Continue with Google