Click it and Unblock the Notifications
കപ്പ് മഴ കൊണ്ടു പോവും!!
ഈ ലോകകപ്പ് 10 ടീമുകള്‍ക്കും ലഭിക്കില്ലെന്നും മഴ തന്നെ കിരീടം കൊണ്ടു പോവുമെന്നായിരുന്നു ഒരു ക്രിക്കറ്റ് പ്രേമിയുടെ ട്വീറ്റ്. ഇത്രയും മോശം ലോകകപ്പ് തങ്ങള്‍ക്കു നല്‍കിയതില്‍ ഐസിസിക്കു നന്ദിയെന്നും അദ്ദേഹം പരിഹസിക്കുന്നു.
ചരിത്രത്തിലെ തന്നെ ഏറ്റവും മോശം ലോകകപ്പെന്നായിരുന്നു മറ്റൊരാള്‍ ട്വീറ്റ് ചെയ്തത്.
ഐസിസി നിരാശപ്പെടുത്തി
ഇത്തരമൊരു ലോകകപ്പല്ല തങ്ങള്‍ ആഗ്രഹിച്ചിരുന്നതെന്നും ഐസിസി തികച്ചും നിരാശപ്പെടുത്തിയെന്നും മറ്റൊരു ക്രിക്കറ്റ് ആരാധകന്‍ ട്വീറ്റ് ചെയ്തു.
കൂടുതല്‍ മല്‍സരങ്ങള്‍ നടക്കണമെന്നാണ് ആഗ്രഹിച്ചത്. എന്നാല്‍ ഇവിടെ മഴയാണ് ഭരിക്കുന്നത്. ഭാവിയില്‍ ഒരിക്കലും ഇംഗ്ലണ്ടില്‍ വച്ചു ലോകകപ്പ് നടത്തരുത്. മഴയുണ്ടെങ്കില്‍ മല്‍സരം ഉപേക്ഷിക്കാതെ തൊട്ടടുത്ത ദിവസത്തേക്കു മാറ്റി വയ്ക്കണമെന്നും മറ്റൊരാള്‍ ട്വീറ്റിലൂടെ ആവശ്യപ്പെട്ടു.
മഴയും അപരാജിതര്‍
ഇന്ത്യ, ന്യൂസിലാന്‍ഡ് എന്നിവരെപ്പോലെ തന്നെ മഴയും ഈ ലോകകകപ്പില്‍ അപരാജിതരായി തുടരുകയാണെന്നായിരുന്നു ഒരു ട്വീറ്റ്. നിലവില്‍ ഏഴു പോയിന്റുമായി ന്യൂസിലാന്‍ഡാണ് പോയിന്റ് പട്ടികയില്‍ തലപ്പത്തുള്ളതെങ്കിലും മഴയാണ് ഒന്നാംസ്ഥാനത്തു വരേണ്ടിയിരുന്നതെന്ന് മറ്റൊരാള്‍ ട്വീറ്റിലൂടെ പരിഹസിച്ചു.
മറ്റൊരു ട്വീറ്റ് ഇങ്ങനെയായിരുന്നു. നാലു വര്‍ഷം കാത്തിരുന്നത് ഇതിനായിരുന്നു. എട്ടു പോയിന്റുമായി മഴ പോയിന്റ് പട്ടികയില്‍ തലപ്പത്തു നില്‍ക്കുന്നു. മറ്റു 10 ടീമുകളും പതറുന്നു.
