ഇന്ത്യയ്ക്ക് ആശ്വസിക്കാം, ഈ കോംബോ കലക്കും! അഫ്​ഗാൻ സീരീസിന് ശേഷം ലഭിച്ച ബോണസാണ് ഈ താരങ്ങൾ!

സീനിയർ താരങ്ങളുടെ അഭാവത്തിലും അഫ്ഗാനിസ്ഥാനെതിരായ ഏകദിന പരമ്പര 3-0 ന് തൂത്തുവാരി ഇന്ത്യൻ യുവപ്പട വീണ്ടും തങ്ങളുടെ കരുത്ത് തെളിയിച്ചു. ചെന്നൈയിലെ ചെപ്പോക്ക് സ്റ്റേഡിയത്തിൽ നടന്ന ആവേശകരമായ മൂന്നാം ഏകദിനത്തിൽ 9 വിക്കറ്റിന്റെ തകർപ്പൻ ജയത്തോടെയാണ് ഇന്ത്യ വൈറ്റ് വാഷ് പൂർത്തിയാക്കിയത്. ഹാർദിക് പാണ്ഡ്യ, വിരാട് കോഹ്‌ലി, ജസ്പ്രീത് ബുംറ തുടങ്ങിയ ഒന്നാം നിര താരങ്ങൾക്ക് വിശ്രമം അനുവദിച്ച്, വരാനിരിക്കുന്ന 2027 ലോകകപ്പിലേക്കുള്ള ഒരു ശക്തമായ കോർ ഗ്രൂപ്പിനെ വാർത്തെടുക്കുക എന്ന ലക്ഷ്യത്തോടെയാണ് ഇന്ത്യ ഇറങ്ങിയത്. പ്രതീക്ഷിച്ചതിലും മികച്ച റിസൾട്ടാണ് ഈ പരമ്പരയിലൂടെ ടീം മാനേജ്‌മെന്റിന് ലഭിച്ചിരിക്കുന്നത്.

അവനെ തൊട്ടാൽ കളി മാറും! ഫൈനലിൽ ബാറ്റുകൊണ്ട് പ്രതികാരം വീട്ടാൻ വൈഭവിന് തിലകിന്റെ പച്ചക്കൊടി!

അഫ്ഗാനെതിരായ ഈ പരമ്പര വിജയത്തിൽ നിന്ന് ഇന്ത്യക്ക് ലഭിച്ച 3 പോസിറ്റീവുകൾ വിശദമായി പരിശോധിക്കാം:

1. ഗുർനൂർ ബ്രാറിന്റെയും പ്രസിദ്ധ് കൃഷ്ണയുടെയും 'എലൈറ്റ്' പേസ് ബോളിങ്

2027-ൽ ദക്ഷിണാഫ്രിക്കയിൽ നടക്കാനിരിക്കുന്ന ലോകകപ്പിൽ ഇന്ത്യക്ക് ഏറ്റവും ആവശ്യമുള്ളത് പിച്ചിൽ നിന്ന് അധിക ബൗൺസ് കണ്ടെത്താൻ കഴിയുന്ന 'ഹിറ്റ് ദി ഡെക്ക്' (Hit-the-deck) ബൗളർമാരെയാണ്. ഈ പരമ്പരയിലൂടെ നീലക്കുപ്പായത്തിൽ അരങ്ങേറ്റം കുറിച്ച പഞ്ചാബുകാരനായ ഉയരക്കാരൻ പേസർ ഗുർനൂർ ബ്രാർ തന്റെ അസാധ്യമായ വേഗത കൊണ്ടും ആക്രമണാത്മക ലൈൻ ആൻഡ് ലെങ്ത് കൊണ്ടും ക്രിക്കറ്റ് ലോകത്തെ ഞെട്ടിച്ചു. മൂന്ന് മത്സരങ്ങളിലും സ്ഥിരതയാർന്ന പ്രകടനമാണ് ഗുർനൂർ കാഴ്ചവെച്ചത്.

മറുവശത്ത്, പരിക്കിൽ നിന്ന് പൂർണ്ണമായി മുക്തനായി തിരിച്ചെത്തിയ പ്രസിദ്ധ് കൃഷ്ണ മൂന്നാം ഏകദിനത്തിൽ തന്റെ പഴയ ഫോമിലേക്ക് ഉയർന്നു. ചെന്നൈയിലെ സ്ലോ പിച്ചിൽ മറ്റ് ബൗളർമാർ ബുദ്ധിമുട്ടിയപ്പോൾ, പുതിയ പന്ത് കൊണ്ട് കൃത്യമായ സ്വിങ്ങും മാരകമായ ബൗൺസും കണ്ടെത്തിയ പ്രസിദ്ധ് 5 വിക്കറ്റുകളാണ് പിഴുതത്. ജസ്പ്രീത് ബുംറ, അർഷ്ദീപ് സിങ്, ഹർഷിത് റാണ എന്നിവർക്കൊപ്പം ചേർത്തുവെക്കാൻ പറ്റിയ വജ്രായുധങ്ങളായി ഇവർ രണ്ടുപേരും മാറിയിരിക്കുകയാണ്.

2. പരീക്ഷണങ്ങൾക്കും പുതിയ കോമ്പിനേഷനുകൾക്കുമുള്ള സുവർണ്ണാവസരം

ഭാവി ടീമിനെ കെട്ടിപ്പടുക്കാൻ ഒട്ടനവധി തന്ത്രപരമായ പരീക്ഷണങ്ങൾക്കാണ് ഇന്ത്യൻ നായകൻ ശുഭ്മൻ ​ഗില്ലും പരിശീലകരും മുതിർന്നത്. അത് പൂർണ്ണമായി വിജയത്തിലെത്തുകയും ചെയ്തു. യുവതാരം യശസ്വി ജയ്‌സ്വാൾ തനിക്ക് ലഭിച്ച അവസരങ്ങൾ മുതലാക്കി തന്റെ കരിയറിലെ രണ്ടാം ഏകദിന സെഞ്ച്വറി ചെന്നൈയിൽ കുറിച്ചു. ഇഷാൻ കിഷൻ മൂന്നാം നമ്പറിലിറങ്ങി അഫ്ഗാൻ സ്പിന്നർമാരെ നിർഭയം നേരിട്ടു. എടുത്തു പറയേണ്ടത് ക്യാപ്റ്റൻ ശുഭ്‌മൻ ഗില്ലിന്റെ മാറ്റമാണ്. ഓപ്പണിങ് റോളിൽ നിന്ന് മാറി മധ്യനിരയിൽ കളിച്ചിട്ടും താരം മികച്ച പ്രകടനമാണ് നടത്തിയത്.

IND vs AFG: ആദ്യ ബോള്‍ എറിയും മുമ്പ് ഇന്ത്യക്ക് 5 റണ്‍സ്!! ഇതെങ്ങനെ? കാരണമറിയാം
3. മുൻനിര ബാറ്റർമാരുടെ തകർപ്പൻ ഫോം

പരമ്പരയിലുടനീളം മഴ വില്ലനായെത്തിയ സാഹചര്യങ്ങളിലും കടുത്ത റൺചേസുകളിലും ഇന്ത്യൻ ബാറ്റർമാർ കാണിച്ച പക്വത എടുത്ത് പറയേണ്ടതാണ്. ഒന്നാം നിര സ്പിൻ അറ്റാക്കുള്ള അഫ്ഗാനെതിരെ ഇന്ത്യൻ ബാറ്റർമാർ പൂർണ്ണ അധിപത്യം പുലർത്തി. ജയ്‌സ്വാൾ, ഗിൽ, ഇഷാൻ എന്നിവർക്ക് പുറമെ രോഹിത് ശർമ്മ അവസാന മത്സരത്തിൽ നേടിയ അർദ്ധസെഞ്ച്വറി വരാനിരിക്കുന്ന വലിയ ടൂർണമെന്റുകൾക്ക് മുന്നോടിയായി ഇന്ത്യക്ക് ആശ്വാസം നൽകുന്നു. കെ.എൽ. രാഹുലും മധ്യനിരയിൽ ശ്രേയസ് അയ്യരും തങ്ങൾക്ക് ലഭിച്ച കുറഞ്ഞ അവസരങ്ങളിൽ മികച്ച പ്രകടനം പുറത്തെടുത്തു.