Click it and Unblock the Notifications
ടെന്നീസില് റെക്കോര്ഡുകളുടെ തോഴിയാണ് സെറീന വില്യംസ്. അത്രയധികം ഗ്രാന്സ്ലാം കിരീടങ്ങളാണ് പേരിലുള്ളത്.
ലോക ഒന്നാം നമ്പര് സ്ഥാനത്ത് ഏറ്റവും അധികം കാലം തുടര്ച്ചയായി തുടരുന്ന താരങ്ങളിലും മുന്പന്തിയില് തന്നെയുണ്ട് സെറീന. ഇപ്പോള് ലോക രണ്ടാം നമ്പറാണ്.
20 ആഴ്ചകള്- എന്ന് പറഞ്ഞ് സെറീന കഴിഞ്ഞ ദിവസം ഒരു ഫോട്ടോ പോസ്റ്റ് ചെയ്തിരുന്നു. എന്നാല് അല്പസമയത്തിന് ശേഷം അത് ഡിലീറ്റ് ചെയ്യുകയും ചെയ്തു. അപ്പോള് തന്നെ പലര്ക്കും സംശയം ജനിച്ചിരുന്നു
ഏറ്റവും ഒടുവില് പബ്ലിസിറ്റി മാനേജര് ആയ കെല്ലി ബുഷ് നൊവാക് ആണ് സെറീന ഗര്ഭിണി ആണ് എന്ന കാര്യം ഔദ്യോഗികമായി പ്രഖ്യാപിച്ചത്. ഈ വര്ഷം തന്നെ കുഞ്ഞുപിറക്കും.
എന്തായാലും ഈ വര്ഷം സെറീന ഇനി കളിക്കളത്തില് ഇറങ്ങില്ല. കുഞ്ഞ് ജനിച്ചതിന് ശേഷം അടുത്ത വര്ഷം വീണ്ടും ടെന്നീസിലേക്ക് തിരിച്ചുവരും എന്നാണ് പ്രതീക്ഷിക്കുന്നത്.
ലോകത്ത് ഏറ്റവും അധികം പ്രതിഫലം പറ്റുന്ന വനിത കായിക താരമാണ് സെറീന വില്യംസ്. അതുതന്നെയാണ് സെറീനയുടെ ഏറ്റവും വലിയ പ്രത്യേകതയും!
സെറീന ഗര്ഭിണി ആയി എന്ന് പറഞ്ഞാല് പോരല്ലോ... ആരാണ് ആ ഗര്ഭത്തിന് ഉത്തരവാദി എന്ന് കൂടി പറയണ്ടേ... മറ്റാരും അല്ല, കാമുകനായി അലെക്സിസ് ഒഹാനിയന് തന്നെ.
റെഡ്ഡിറ്റിന്റെ സഹ സ്ഥാപകന് ആണ് അലെക്സിസ് ഒഹാനിയന്. കഴിഞ്ഞ ഡിസംബറില് ആയിരുന്നു രണ്ട് പേരുടേയും വിവാഹ നിശ്ചയം.
രണ്ട് മാസം ഗര്ഭിണിയാണ് സെറീന ഇപ്പോള്. അങ്ങനെയാണെങ്കില് തന്റെ 23-ാം ഗ്രാന്സ്ലാം കിരീടം സ്വന്തമാക്കിയ ഓസ്ട്രേലിയന് ഓപ്പണ് കഴിക്കുമ്പോഴും സെറീന ഗര്ഭിണിയായിരുന്നു എന്ന് വേണം കരുതാന്.
ഇപ്പോള് മനസ്സിലായില്ലേ എന്തുകൊണ്ടാണ് ചിലര് സെറീനയുടെ വഞ്ചനക്കഥ പറയുന്നത് എന്ന്. ആ 23-ാം ഗ്രാന്സ്ലാം സിംഗിള്സ് നേടിയത് ശരിക്കും ഡബിള്സ് കളിച്ചിട്ടല്ലേ!!!
Continue with Google