വീനസ്‌ വീണു;ഫെഡററും ജൊക്കോവിക്കും മുന്നോട്ട്‌

ലണ്ടന്‍: വിംബിള്‍ഡണ്‍ ടെന്നീസിന്റെ ആദ്യ ദിനം വന്‍ വീഴ്‌ചയ്‌ക്കു വേദിയായി. അഞ്ചു തവണ വിംബിള്‍ഡണ്‍ ചാമ്പ്യനായ അമേരിക്കയുടെ വീനസ്‌ വില്യംസ്‌ ആണ്‌ ആദ്യ റൗണ്ടില്‍ തന്നെ പുറത്തായത്‌. അതേ്‌ സമയം ന്‌ിലവിലെ വിംബിള്‍ണ്‍ ചാമ്പ്യനും ലോക ഒന്നാം നമ്പര്‍ താരവുമായ നൊവാക്‌ ജൊക്കോവിക്കും മൂന്നാം സീഡ്‌ റോജര്‍ ഫെഡററും രണ്ടാം റൗണ്ടിലേക്ക്‌ അനായസം മുന്നേറി.

റഷ്യയുടെ എലേന വെസ്‌നീനയാണ്‌ വീനസിനു മേല്‍ അട്ടിമറി വിജയം നേടിയത്‌. സ്‌കോര്‍ 6-1, 6-3. സീഡില്ലാ താരമായി വിംബിള്‍ഡണിലെത്തിയ വീനസിന്റെ ടെന്നീസിലെ ഭാവി തന്നെ ഇതോടെ ഒരു ചോദ്യ ചിഹ്നമായി മാറിയിരിക്കുകയാണ്‌.

6-3, 6-3, 6-1ന്‌ മുന്‍ ലോക ഒന്നാം നമ്പര്‍ താരമായിരുന്ന യുവാന്‍ കാര്‍ലോസ്‌ ഫെറേറോയെ തകര്‍ത്തെറിഞ്ഞുകൊണ്ടാണ്‌ ലോക ഒന്നാം നമ്പര്‍ ജോക്കോവിക്ക്‌ രണ്ടാം റൗണ്ടിലേക്ക്‌ കടന്നിരിക്കുന്നത്‌. ലോക മൂന്നാം നമ്പര്‍ താരം ഫെഡററുടെ മുന്നേറ്റവും അനായാസമായിരുന്നു. 6-1, 6-1, 6-1 എന്ന സ്‌കോറില്‍ ആല്‍ബെര്‍ട്ട്‌ റമോസിനെയാണ്‌ ഫെഡറര്‍ പരാജയപ്പെടുത്തിയത്‌.

വനിതാ വിഭാഗത്തില്‍ ലോക ഒന്നാം നമ്പര്‍ താരമായ റഷ്യയുടെ മരിയ ഷറപ്പോവ 6-2, 6-3 എന്ന സ്‌കോറില്‍ ആസ്‌ത്രേലിയയുടെ അനാസ്‌താഷ്യ റോഡിനോവയെ പരാജയപ്പെടുത്തി. ഫ്രഞ്ച്‌ ഓപണ്‍ കിരീട നേട്ടത്തിന്റെ ആത്മവിശ്വാസത്തോടെയാണ്‌ ഷറപ്പോവ വിംബിള്‍ഡണില്‍ മാറ്റുരക്കാനെത്തിയിരിക്കുന്നത്‌.

ചൈനീസ്‌ താരം ലീ നായും വിംബിള്‍ഡണ്‍ രണ്ടാം റൗണ്ടിലെത്തി.