സെറിന-ഷറപ്പോവ ഫൈനല്‍

സൂറിച്ച്: ഇസ്താംബുളില്‍ നടക്കുന്ന ഡബ്ല്യുടിഎ ചാംപ്യന്‍ഷിപ്പിന്റെ ഫൈനലില്‍ മരിയ ഷറപോവയും സെറിന വില്യംസും ഏറ്റുമുട്ടും.

61 മിനിറ്റ് നീണ്ട പോരാട്ടത്തിനൊടുവില്‍ അഗ്നിസ്‌ക റാഡ്‌വാന്‍സ്‌കയെ 6-2, 6-1 എന്ന സ്‌കോറില്‍ കീഴടക്കിയാണ് ലോകമൂന്നാം നമ്പര്‍ താരം സെറിന വില്യംസ് അവസാന രണ്ടില്‍ ഇടംപിടിച്ചത്.

റഷ്യയില്‍ നിന്നുള്ള ഷറപ്പോവ ഒന്നാം നമ്പര്‍ താരം വിക്ടോറിയ അസെരങ്കയെ 6-4, 6-2 എന്ന സ്‌കോറില്‍ മറികടന്നാണ് കലാശപ്പോരാട്ടത്തിന് യോഗ്യത നേടിയത്.

അമേരിക്കന്‍ താരം ഇതിനു മുമ്പ് രണ്ടു തവണ ഇസ്താംബുള്‍ കിരീടം നേടിയിട്ടുണ്ട്. ലോകരണ്ടാം നമ്പര്‍ താരമായ ഷറപ്പോവ ഒരു തവണ കിരീടത്തില്‍ മുത്തമിട്ടിട്ടുണ്ട്.