സെറീന വില്യംസ് തിരിച്ചുവരുന്നു

വാഷിങ്ടണ്‍: അന്താരാഷ്ട്ര ടെന്നിസിലേക്ക് സെറീന വില്യംസ് രാജകീയമായി തന്നെ തിരിച്ചെത്തുന്നു. സ്റ്റാന്‍ഫോര്‍ഡ് ക്ലാസ്സിക് ടൂര്‍ണമെന്റില്‍ ആസ്‌ത്രേലിയയില്‍ നിന്നുള്ള അനസ്‌തേഷ്യ റോഡിയോനോവയെ 6-0, 6-0 എന്ന സ്‌കോറിനു തകര്‍ത്തായിരുന്നു 13 ഗ്രാന്‍സ്ലാം നേടിയിട്ടുള്ള അമേരിക്കന്‍ താരത്തിന്റെ വരവ്.

കാലിലെ ശസ്ത്രക്രിയയും ഗുരുതരമായ അസുഖങ്ങളും സെറീനയുടെ ഇച്ഛാശക്തിയെ തളര്‍ത്തിയിട്ടില്ലെന്നു വ്യക്തമാക്കുന്നതായിരുന്നു സ്റ്റാന്‍ഫോര്‍ഡിലെ പ്രകടനം.

എനിക്ക് എത്രയും വേഗം ഒന്നാം സ്ഥാനത്തെത്തണം. എനിക്കു കാത്തിരിക്കാന്‍ വയ്യ. ലോകത്തിലെ ഒന്നാം നമ്പര്‍ താരമാവാന്‍ കഴിയുകയെന്നത് ഒരു ഭാഗ്യമാണ്. പക്ഷേ, അതിനു ഗ്രാന്‍സ്ലാം മല്‍സരങ്ങളില്‍ മികച്ച പ്രകടനം നടത്തേണ്ടതുണ്ട്-സെറീന പറഞ്ഞു.