സെറീനയും ഷറപ്പോവയും കുതിക്കുന്നു

മെല്‍ബണ്‍: ആസ്‌ത്രേലിയന്‍ ഓപണ്‍ ടെന്നിസ് ടൂര്‍ണമെന്റില്‍ സെറീന വില്യംസും മരിയ ഷറപ്പോവയും കുതിക്കുന്നു. അഞ്ചു തവണ കിരീടം നേടിയിട്ടുള്ള സെറീന വില്യംസ് മൂന്നാംറൗണ്ടില്‍ ബാര്‍ബറോ സഹ്‌ലാവോവയെ 6-0, 6-4 എന്ന സ്‌കോറിലും റഷ്യന്‍ താരം ഷറപ്പോവ ജാമി ഹാംറ്റണെ 6-0, 6-4 എന്ന മാര്‍ജിനിലും മുട്ടുകുത്തിച്ചു.

പെട്ര ക്വിതോവ, വെര സ്വനരേവ, അനാ ഇവനോവിക് എന്നീ താരങ്ങളും വിജയകുതിപ്പ് തുടരുകയാണ്. വിംബിള്‍ഡണ്‍ ചാംപ്യനായ ക്വിതോവ സ്‌പെയിനിലെ സോറസ് നവാറോയെ 6-2, 2-6, 6-4 എന്ന സ്‌കോറില്‍ ഒരു മണിക്കൂറും 47 മിനിറ്റും നീണ്ട പോരാട്ടത്തിനൊടുവില്‍ കീഴടക്കി. ഏഴാം സീഡായ സ്വനരേവ ലൂസിയയെ 6-1, 7-6 എന്ന സ്‌കോറിലും ഇവാനോവിക് മൈക്കലാ ക്രാജിസെക്കിനെ 6-2, 6-3 എന്ന സ്‌കോറിലും തോല്‍പ്പിച്ചു.