അങ്ങനെ ആ കളി അവസാനിച്ചു, ഇസ്നര്‍ വിജയി

ലണ്ടണ്‍: പത്ത് മണിക്കൂര്‍ നീണ്ടതിനെ തുടര്‍ന്ന് അടുത്ത ദിവസത്തേയ്ക്ക് മാറ്റിവച്ച വിംബിള്‍ഡന്‍ മത്സരം രണ്ടാം ദിവസം യു എസ് കളിക്കാരനായ ജോണ്‍ ഇസ്നറുടെ വിജയത്തോടെ അവസാനിച്ചു.

ദിവസങ്ങള്‍ നീണ്ട കളിയില്‍ ഇസ്നര്‍ ഫ്രാന്‍സിന്റെ നിക്കൊളാസ് മാഹട്ടിനെയാണ് പരാജയപ്പെടുത്തിയത് 6-4, 3-6, 6-7 (7-9), 7-6 (7-3), 70-68. ജണ്‍ 22 ചൊവ്വാഴ്ചയാണ് കളി തുടങ്ങിയത്. 23 ബുധനാഴ്ചയും കളി അവസാനിപ്പിയ്ക്കാന്‍ കഴിഞ്ഞില്ല. ഒടുവില്‍ 24, വ്യാഴാഴ്ചയാണ് കളി ഫലം കണ്ടത്.

ആദ്യ റൗണ്ടില്‍ തന്നെ കളി പത്ത് മണിയ്ക്കൂറാണ് നീണ്ടത്. ഇത് ഒരു റെക്കോഡായിരുന്നു.