Click it and Unblock the Notifications
ദേഷ്യം പ്രകടിപ്പിച്ച് രോഹിത്
ട്വിറ്ററിലെ തന്റെ ഒഫീഷ്യല് പേജിലൂടെയായിരുന്നു പൊള്ളാര്ഡിനെതിരേ രോഹിത്തിന്റെ പ്രതികരണം. ദേഷ്യം പ്രകടിപ്പിക്കുന്ന മൂന്ന് ഇമോജിയോടൊപ്പം കിരോണ് പൊള്ളാര്ഡിനെ ടാഗ് ചെയ്തു അദ്ദേഹം ട്വീറ്റ് ചെയ്യുകയുമായിരുന്നു.
ഇരുവരും തമ്മിലുള്ള ഈ പോര് വെറും പബ്ലിസിറ്റിക്കു വേണ്ടിയുള്ള അഭിനയം മാത്രമാണെന്നാണ് പലരും ചൂണ്ടിക്കാട്ടുന്നത്. അടുത്ത മാസം ഇന്ത്യ- വിന്ഡീസ് പോരാട്ടം നടക്കാനിരിക്കെ പരമ്പരയിലേക്കു കൂടുതല് പേരെ ആകര്ഷിക്കുന്നതിനാണ് ഇതെന്നും ഇവര് സൂചിപ്പിക്കുന്നു.
പരസ്യം പുറത്തിറക്കി
രോഹിത്തിനെ പൊള്ളാര്ഡ് അണ്ഫോളോ ചെയ്തതിനു ശേഷം ഇതു വിഷയമാക്കി ഇന്ത്യ- വിന്ഡീസ് പരമ്പരയുമായി ബന്ധപ്പെട്ടു സ്റ്റാര് സ്പോര്ട്സ് അടുത്തിടെ ഒരു പരസ്യം പുറത്തിറക്കിയിരുന്നു. അണ്ഫ്രണ്ട്ഷിപ്പ് ഡേയെന്ന ഹാഷ് ടാഗോടെയായിരുന്നു പരസ്യം.
വിമാനത്താവളത്തിലെത്തുന്ന പൊള്ളാര്ഡിനെ സ്വീകരിക്കാന് രോഹിത് കാറില് എത്തുന്നതോടെയാണ് വീഡിയോയുടെ തുടക്കം. ഇന്ത്യയെ അതും അവരുടെ നാട്ടില് വച്ച് തോല്പ്പിക്കുന്നത് ഏറെ സന്തോഷം നല്കുമെന്ന് പൊള്ളാര്ഡ് അഭിപ്രായപ്പെട്ടുവെന്ന് കാറിലെ എഫ്എം റേഡിയോയില് പറയുന്നു. ഇതു കേട്ട രോഹിത് ഉടന് കാര് കേടായെന്ന വ്യാജേന വഴിയില് നിര്ത്തുകയും തുടര്ന്ന് പൊള്ളാര്ഡിനെ കൊണ്ട് തള്ളിക്കുകയും ചെയ്യുന്നു. ഇതിനിടെ കാര് മുന്നോട്ടെടുത്ത രോഹിത്, ഇടയ്ക്ക് നിര്ത്തിയ ശേഷം പൊള്ളാര്ഡിന്റെ ലഗ്ഗേജുകള് റോഡിലേക്കിട്ട് കടന്നു കളയുന്നതാണ് വീഡിയോയുടെ ഉള്ളടക്കം.
പൊള്ളാര്ഡ് മുംബൈക്കൊപ്പം തന്നെ
2020ലെ ഐപിഎല്ലിന്റെ അടുത്ത സീസണിലും പൊള്ളാര്ഡിനെ മുംബൈ നിരയില് കാണാം. ഡിസംബറില് നടക്കാനിരിക്കുന്ന ഐപിഎല് ലേലത്തിനു മുന്നോടിയായി മുംബൈ നിലനിര്ത്തിയ കളിക്കാരുടെ കൂട്ടത്തില് അദ്ദേഹവുമുണ്ട്. രോഹിത്തുമായി പൊള്ളാര്ഡിന്റെ ഇപ്പോഴത്തെ 'ഉടക്ക്' ഐപിഎല്ലില് മുംബൈക്കു തിരിച്ചടിയാവുമോയെന്ന ആശങ്കയിലാണ് ഇപ്പോള് ടീമിന്റെ ആരാധകര്.
ഇന്ത്യക്കെതിരേ ഡിസംബര് ആറിനു തുടങ്ങുന്ന ടി20, ഏകദിന പരമ്പരകളില് പൊള്ളാര്ഡാണ് വിന്ഡീസ് ടീമിനെ നയിക്കുക. ട്വിറ്ററിലെ പോരിനു ശേഷം രോഹിത്തും പൊള്ളാര്ഡും ആദ്യമായി നേര്ക്കുനേര് വരുന്ന പരമ്പര കൂടിയായിരിക്കും ഇത്.
Continue with Google