'കരിയറിലെ മികച്ച അഞ്ച് ഇന്നിങ്‌സുകളിലൊന്ന്'; ഐപിഎല്ലിലെ സെഞ്ച്വറി ഓര്‍ത്തെടുത്ത് റിഷഭ് പന്ത്

സണ്‍റൈസേഴ്‌സ് ഹൈദരാബാദിനെതിരേ ഡല്‍ഹി ക്യാപിറ്റല്‍സിനുവേണ്ടിയാണ് പന്ത് മാസ്മരിക പ്രകടനം പുറത്തെടുത്തത്. ഈ ഇന്നിങ്‌സിനെ കരിയറിലെ മികച്ച അഞ്ച് ഇന്നിങ്‌സുകളില്‍ ഒന്നായാണ് പന്ത് വിശേഷിപ്പിച്ചത്. ഈ സെഞ്ച്വറി പ്രകടനം വ്യത്യസ്തമായൊരു അനുഭവമായിരുന്നു. കാരണം അവിടെ ബാറ്റിങ് ദുഷ്‌കരമായിരുന്നു.പന്ത് പ്രതീക്ഷിച്ച വേഗത്തില്‍ എത്തിയില്ല. അതിനാല്‍ത്തന്നെ തുടക്കത്തിലേ ടീമിന് വിക്കറ്റ് നഷ്ടമായി. പ്രതിസന്ധിയില്‍ നിന്ന് ടീമിനെ മികച്ച സ്‌കോറിലേക്കെത്തിക്കേണ്ടത് എന്റെ ഉത്തരവാദിത്തമാണെന്ന് ഞാന്‍ വിചാരിച്ചു. ഈ പിച്ചില്‍ 150-160 മികച്ച ടോട്ടലാണെന്ന് ചിന്തിച്ചു. എന്നാല്‍ അന്ന് 190 ന് അടുത്ത് ടീം സ്‌കോര്‍ എത്തിക്കാന്‍ സാധിച്ചു-പന്ത് പറഞ്ഞു.

മറുപടി ബാറ്റിങ്ങില്‍ പിച്ചിന്റെ സ്വഭാവം മാറി. ബാറ്റിങ് കുറച്ചുകൂടി എളുപ്പമായി. എന്തായാലും മികച്ചൊരു അനുഭവമായിരുന്നു അത്. എന്തായാലും അന്ന് കളിച്ച ഇന്നിങ്‌സ് എനിക്ക് ഇഷ്ടപ്പെട്ടു.എന്നാല്‍ ആ മത്സരത്തില്‍ ജയിക്കുകകൂടി ചെയ്തിരുന്നെങ്കില്‍ ഇതിന്റെ സന്തോഷം ഇനിയും ഉയരുമായിരുന്നു. ടീം തോറ്റാല്‍ ആ ഇന്നിങ്‌സിന്റെ അനിവാര്യത നമുക്ക് പലപ്പോഴും മനസിലാക്കാന്‍ സാധിക്കാതെ വരുമെന്നും പന്ത് കൂട്ടിച്ചേര്‍ത്തു.

ഫെയര്‍ ആന്റ് ലൗലി എന്ന പേര് വര്‍ണവിവേചനം വളര്‍ത്തുന്നു: ഡാരന്‍ സമി

അന്നത്തെ മത്സരത്തില്‍ 63 പന്തില്‍ പുറത്താവാതെ 128 റണ്‍സാണ് പന്ത് അടിച്ചെടുത്തത്.15 ബൗണ്ടറിയും ഏഴ് സിക്‌സും ഇതില്‍ ഉള്‍പ്പെടും. പന്തിന്റെ ബാറ്റിങ് കരുത്തില്‍ ഡല്‍ഹി അഞ്ച് വിക്കറ്റിന് 187 റണ്‍സെടുത്തെങ്കിലും ശിഖര്‍ ധവാന്‍ (92*), കെയ്ന്‍ വില്യംസണ്‍ (83*) എന്നിവരുടെ ബാറ്റിങ് കരുത്തില്‍ ഹൈദരാബാദ് വിജയം സ്വന്തമാക്കി. ഈ മത്സരത്തില്‍ ഭുവനേശ്വര്‍ കുമാറിനെതിരേ 11 പന്തില്‍ 43 റണ്‍സാണ് പന്ത് അടിച്ചെടുത്തത്.

രോഹിത് ശര്‍മ എക്കാലത്തെയും മികച്ച ഓപ്പണര്‍മാരില്‍ ഒരാള്‍: ക്രിസ് ശ്രീകാന്ത്

ഫൈനല്‍ ഓവറിലെ തുടര്‍ച്ചയായ അഞ്ച് ബൗണ്ടറികള്‍ ഉള്‍പ്പെടെയാണിത്. ഈ സീസണില്‍ 14 മത്സരങ്ങളില്‍ നിന്ന് 684 റണ്‍സാണ് പന്ത് അടിച്ചെടുത്തത്. അഞ്ച് അര്‍ധ സെഞ്ച്വറിയും ഇതില്‍ ഉള്‍പ്പെടും. ഈ സീസണാണ് കരിയറില്‍ വഴിത്തിരിവുണ്ടാക്കിയതെന്നും പന്ത് അഭിപ്രായപ്പെട്ടു. ധോണിക്ക് ശേഷം പന്തിനാണ് മാനേജ്‌മെന്റിന്റെ മുഖ്യ പരിഗണനയെന്ന് കഴിഞ്ഞ ദിവസം ഇന്ത്യന്‍ ബാറ്റിങ് പരിശീലകന്‍ വിക്രം റാത്തൂര്‍ അഭിപ്രായപ്പെട്ടിരുന്നു.