Click it and Unblock the Notifications
ലേഡി സൂപ്പര് സ്റ്റാറെന്നു വിശേഷിപ്പിക്കപ്പെടുന്ന തെന്നിന്ത്യയുടെ പ്രിയങ്കരിയായ നടി നയന്താരയാണ് എംഎസ് ധോണിയുടെ സിനിമയില് നായികയായി എത്തുന്നതെന്നാണ് വിവരം. നയന്സ് ഈ സിനിമയുമായി കരാര് ഒപ്പുവച്ചതായും റിപ്പോര്ട്ടില് പറയുന്നു. സിനിമയിലെ മറ്റു കഥാപാത്രങ്ങളെ തീരുമാനിച്ചുവരികയാണ്. ഈ സിനിമയുടെ ഔദ്യോഗിക പ്രഖ്യാപനം ഇപ്പോള് നടന്നു കൊണ്ടിരിക്കുന്ന ഐപിഎല്ലിന്റെ 15ാം സീസണിനു ശേഷമുണ്ടാവും.
എംഎസ് ധോണി ഇതാദ്യമായിട്ടല്ല ഒരു സിനിമയുമായി സഹകരിക്കുന്നത്. നേരത്തേ അദ്ദേഹത്തിന്റെ ആത്മകഥ വെള്ളിത്തിരയിലെത്തുകയും അതു വന് വിജയമായി മാറുകയും ചെയ്തിരുന്നു. എംഎസ് ധോണി- ദി അണ്ടോള്ഡ് സ്റ്റോറിയെന്ന സിനിമ 2016ലായിരുന്നു റിലീസ് ചെയ്തത്. അകാലത്തില് അന്തരിച്ച പ്രശസ്ത നടന് സുഷാന്ത് സിങ് രാജ്പുതായിരുന്നു സിനിമയില് ധോണിയുടെ വേഷം അവതരിപ്പിച്ചത്. ധോണിയുടെ ഭാര്യയായ സാക്ഷിയുടെ റോളിലെത്തിയത് കിയാറ അഡ്വാനിയായിരുന്നു.
നയന്താരയുടെ സാന്നിധ്യം എംഎസ് ധോണിയുടെ സിനിമയ്ക്കു വലിയ ഹൈപ്പ് നല്കുമെന്നാണ് ചൂണ്ടിക്കാണിക്കപ്പെടുന്നത്. നിലവില് നയന്സിന്റെ അഞ്ചു സിനിമകളാണ് അണിയറയിലുള്ളത്. ഓ2, മലയാളി സിനിമയായ ഗോള്ഡ്, ഗോഡ്ഫാദര്, ഷാരൂഖ് ഖാന് നായകനായെത്തുന്ന ബോളിവുഡ് സിനിമ എന്നിവയാണ് നയന്സിന്റേതായി വരാനിരിക്കുന്നത്. പ്രശസ്ത സംവിധായകന് ആറ്റ്ലിയാണ് ഷാരൂഖിന്റെ സിനിമയൊരുക്കുന്നത്. ബോളിവുഡില് നയന്താരയുടെ അരങ്ങേറ്റ സിനിമ കൂടിയായിരിക്കും ഇത്.
അതേസമയം, ഐപിഎല്ലിന്റെ 15ാം സീസണില് ചെന്നൈ സൂപ്പര് കിങ്സിനെ നയിച്ചുകൊണ്ടിരിക്കുകയാണ് എംഎസ് ധോണി. ഈ സീസണിനുശേഷം അദ്ദേഹം ക്രിക്കറ്റില് നിന്നും വിരമിക്കല് പ്രഖ്യാപിക്കുമോയെന്നാണ് ക്രിക്കറ്റ് ലോകം ഉറ്റുനോക്കുന്നത്. ഈ സീസണ് തുടങ്ങുന്നതിനു തൊട്ടുമുമ്പ് ധോണി സിഎസ്കെയുടെ ക്യാപ്റ്റന്സിയൊഴിയുകയും പകരം രവീന്ദ്ര ജഡേജയെ ചുമതലയേല്പ്പിക്കുകയും ചെയ്തിരുന്നു.
പക്ഷെ സീസണിലെ ആദ്യത്തെ എട്ടു മല്സരങ്ങളില് വെറും രണ്ടെണ്ണത്തിലാണ് സിഎസ്കെയെ വിജയത്തിലേക്കു നയിക്കാന് ജഡ്ഡുവിനായത്. ക്യാപ്റ്റന്സിയുടെ സമ്മര്ദ്ദം അദ്ദേഹത്തിന്റെ വ്യക്തിഗത പ്രകടനത്തെയും ബാധിച്ചിരുന്നു. ഇതോടെ സീസണിന്റെ മധ്യത്തില് വച്ച് ജഡേജ നായകസ്ഥാനം രാജിവയ്ക്കുകയായിരുന്നു. തുടര്ന്ന് ധോണി ഒരിക്കല്ക്കൂടി നായകസ്ഥാനമേറ്റെടുക്കുകയായിരുന്നു.
Continue with Google