മോദി കഴിഞ്ഞാല്‍ ധോണി!! ഇപ്പോഴും ക്രിക്കറ്റിലെ 'നായകന്‍'... കോലി ഏഴാംസ്ഥാനത്ത്

ധോണിക്ക് മുന്നില്‍ മോദി മാത്രം

ഇന്ത്യയില്‍ ജനപ്രീതിയുടെ കാര്യത്തില്‍ ധോണിക്കു മുന്നിലുള്ളത് പ്രധാനമന്ത്രി നരേന്ദ്ര മോദി മാത്രമാണ്. യുഗവ് (Yougov) നടത്തിയ സര്‍വേയിലാണ് മോദി ഒന്നാമതും ധോണി രണ്ടാമനുമായത്.
15.66% പേരുടെ പിന്തുണയോടെയാണ് മോദി രാജ്യത്ത് ഏറ്റവുമധികം പേര്‍ ആരാധിക്കപ്പെടുന്ന വ്യക്തിയായി മാറിയത്. 8.58% പേരുടെ പിന്തുള്ളയുള്ള ധോണി രണ്ടാമതെത്തി.

ഒബാമയുമുണ്ട്

അമേരിക്കയുടെ മുന്‍ പ്രസിഡന്റ് ബറാക്ക് ഒബാമയും ആദ്യ അഞ്ചു പേരുടെ ലിസ്റ്റിലുണ്ടെന്നതാണ് ശ്രദ്ധേയം. 7.36% പേരുടെ പിന്തുണ ഒബാമയ്ക്കുണ്ട്. ലിസ്റ്റില്‍ നാലാംസ്ഥാനത്താണ് അദ്ദേഹം.
ധോണിക്കു പിന്നില്‍ മൂന്നാം നമ്പറില്‍ നില്‍ക്കുന്നത് ഇന്ത്യയിലെ വന്‍ വ്യവസായിയായ രത്തന്‍ ടാറ്റയാണ്. 8.02 % പേരുടെ പിന്തുണ ടാറ്റയ്ക്കുണ്ട്. മൈക്രോസോഫ്റ്റ് സ്ഥാപകനായ ബില്‍ ഗേറ്റ്‌സാണ് (6.96%) ലിസ്റ്റില്‍ അഞ്ചാംസ്ഥാനത്ത്.

കോലി ഏഴാംസ്ഥാനത്ത്

ധോണി കഴിഞ്ഞാല്‍ രാജ്യത്തു ജനപ്രീതിയുടെ കാര്യത്തില്‍ രണ്ടാംസ്ഥാനത്തുള്ള കായിക താരംദേശീയ ക്രിക്കറ്റ് ടീമിന്റെ നായകന്‍ കൂടിയായ വിരാട് കോലിയാണ്. ലിസ്റ്റില്‍ ഏഴാമതാണ് സൂപ്പര്‍ താരം. 4.46% പേരാണ് കോലിയെ തങ്ങളുടെ ആരാധനാ പാത്രമായി തിരഞ്ഞെടുത്തിരിക്കുന്നത്.

കോലിയുടെ തൊട്ടുപിറകിലാണ് ഇന്ത്യയുടെ മുന്‍ ബാറ്റിങ് ഇതിഹാസം സച്ചിന്‍ ടെണ്ടുല്‍ക്കറുടെ സ്ഥാനം (5.81%). 2.95% പേരുടെ പിന്തുണയുമായി പോര്‍ച്ചുഗീസ് ഫുട്‌ബോള്‍ ഇതിഹാസം ക്രിസ്റ്റിയാനോ റൊണാള്‍ഡോയും ആദ്യ പത്തിലുണ്ട്. അതേസമയം, ഇന്ത്യയില്‍ ഏറ്റവുധികം ആരാധകരുള്ള വനിത ബോക്‌സിങ് ഇതിഹാസം മേരികോമാണ് (10.36%).