അന്നു ഓസീസുകാരുടെ ഫേവറിറ്റ് സച്ചിന്‍... ഇന്ന് മറ്റൊരാള്‍!! എന്തൊരു പ്ലെയറെന്ന് സൂപ്പര്‍ താരം കാഹില്‍

അമ്പരപ്പിക്കുന്ന താരം

തന്നെ അമ്പരിപ്പിച്ച താരമെന്നാണ് കോലിയെക്കുറിച്ച് കാഹില്‍ ഒറ്റവാക്കില്‍ വിശേഷിപ്പിച്ചത്. ക്രിക്കറ്റ് പിച്ചിലെയും പുറത്തെയും കോലിയുടെ നേട്ടങ്ങളും അദ്ദേഹത്തിന്റെ വിജയകഥയുമെല്ലാം തന്നെ ശരിക്കും അദ്ഭുതപ്പെടുത്തിയിട്ടുണ്ടെന്നു കാഹില്‍ പറയുന്നു.
ഇന്‍സ്റ്റഗ്രാം അടക്കമുള്ള സമൂഹമാധ്യങ്ങളില്‍ കോലിയെ പിന്തുടരുന്ന താരമാണ് കോലി. ഒരു കായിക താരം എങ്ങനെ ആയിരിക്കണമെന്നതിന്റെ ഉദാഹരണമാണ് കോലിയെന്നും അദ്ദേഹം അഭിപ്രായപ്പെട്ടു.

ഒരു കാലത്ത് സച്ചിന്‍

ഒരു കാലത്ത് ഓസ്‌ട്രേലിയക്കു ഏറ്റവും പ്രിയങ്കരനായ ഇന്ത്യന്‍ ക്രിക്കറ്റ് താരം മാസ്റ്റര്‍ ബ്ലാസ്റ്റര്‍ സച്ചിന്‍ ടെണ്ടുല്‍ക്കറായിരുന്നു. എന്നാല്‍ ഇപ്പോള്‍ അതു മാറിക്കഴിഞ്ഞു. കോലിയാണ് ഇപ്പോള്‍ നാട്ടുകാരുടെ ആരാധനാപാത്രം.
ഇന്നു കാണുന്ന നേട്ടങ്ങളിലേക്കു കോലി എത്തിയ വഴികളാണ് അദ്ദേഹത്തോട് തനിക്കു ആരാധനയുണ്ടാവാന്‍ കാരണമെന്നും കാഹില്‍ കൂട്ടിച്ചേര്‍ത്തു.

കഠിനാധ്വാനി, വിനയാന്വിതന്‍

വളരെ കഠിനാധ്വാനിയും വിനയമുള്ള വ്യക്തിയുമാണ് കോലി. കൂടുതല്‍ ഉയരങ്ങളിലേക്കു കുതിക്കാന്‍ അദ്ദേഹം നിരന്തരം പരിശ്രമിച്ചു കൊണ്ടിരിക്കുന്നു. ഇന്ത്യന്‍ ജനതയ്ക്കു വേണ്ടി കഴിവിന്റെ പരമാവധി നല്‍കാനുള്ള കോലിയുടെ ശ്രമത്തെ അഭിനന്ദിക്കുന്നു. വൈകാരികമായി മാത്രമല്ല സേവനങ്ങളിലൂടെയും കോലി അതിനു ശ്രമിക്കുകയാണ്. അതുകൊണ്ടാണ് സമൂഹമാധ്യമങ്ങളില്‍ അദ്ദേഹത്തെ ഫോളോ ചെയ്യുന്നത്. എല്ലാവര്‍ അനുകരിക്കാവുന്ന വ്യക്തി കൂടിയാണ് കോലിയെന്നും കാഹില്‍ വിശദമാക്കി.

ഇന്ത്യന്‍ ഫുട്‌ബോള്‍ വളരുന്നു

നേരത്തേ ഐഎസ്എല്ലിന്റെ ഭാഗമായ പല വിദേശ താരങ്ങളുമായും സംസാരിച്ചിരുന്നു. അതിനു ശേഷമാണ് ടൂര്‍ണമെന്റില്‍ കളിക്കാന്‍ തീരുമാനിച്ചത്.
ഇന്ത്യക്കു പ്രതിഭാശാലികളായ യുവതലമുറയുണ്ട്. അതുകൊണ്ടു തന്നെ ഇന്ത്യന്‍ ഫുട്‌ബോള്‍ വളര്‍ന്നു കൊണ്ടിരിക്കുകയാണന്നു നിസംശയം പറയാനാവുമെന്നും നാലു ലോകകപ്പുകളില്‍ ഓസീസ് ജഴ്‌സിയണിഞ്ഞ കാഹില്‍ പറഞ്ഞു.