Click it and Unblock the Notifications
ധോണിയുടെ ചുമതല
ധോണി അംഗമായിട്ടുള്ള 106 ടെറിട്ടോറിയല് ബറ്റാലിയന് ഒട്ടേറെ സേവനങ്ങള് ചെയ്തിട്ടുള്ളവരാണ്. കമ്യൂണിക്കേഷന്, സ്റ്റാറ്റിക് പ്രൊട്ടക്ഷന് എന്നിവയിലാണ് അവര് ശ്രദ്ധ കേന്ദ്രീകരിക്കുന്നത്. ധോണിയും അവരുടെ ഭാഗമാകുമെന്ന് ജനറല് പറഞ്ഞു. ഇന്ത്യന് ടീമില് നിന്നും സൈനിക സേവനത്തിനായി അവധിയെടുത്ത താരം ഇപ്പോള് ബെംഗളുരുവില് പാരച്യൂട്ട് പരിശീലനത്തിലാണ്. ധോണിക്ക് 2011ല് ടെറിട്ടോറിയല് ആര്മിയില് ലെഫ്റ്റനന്റ് കേണല് ബഹുമതി നല്കിയിരുന്നു.
കാശ്മീരില് സേവനം
ഈ മാസം 31 മുതല് ഓഗസ്റ്റ് 15 വരെ കാശ്മീര് താഴ് വരയില് ധോണി സൈനിക പരിശീലനവും സുരക്ഷാ ഡ്യൂട്ടിയും ഏറ്റെടുക്കും. ധോണി ടെറിട്ടോറിയല് ആര്മിക്കൊപ്പമാണ് ഇത്രയും ദിവസം താമസിക്കുകയെന്നും ആര്മി വ്യക്തമാക്കിയിട്ടുണ്ട്. വളരെ ചെറുപ്പംമുതലുള്ള ധോണിയുടെ ആഗ്രഹമായിരുന്നു സൈന്യത്തില് ചേരുകയെന്നത്. ക്രിക്കറ്റ് താരമായെങ്കിലും മോഹം സഫലമാക്കുന്നതിന്റെ സന്തോഷത്തിലാണ് ഇന്ത്യന് താരം.
വിമര്ശനത്തിന് അവധികൊടുത്ത് താരം
ലോകകപ്പില് ഇന്ത്യ ന്യൂസിലന്ഡിനോട് പരാജയപ്പെട്ട് നാട്ടിലെത്തിയശേഷം ധോണിക്കെതിരെ വലിയതോതിലുള്ള വിമര്ശനം ഉയര്ന്നിരുന്നു. ധോണി വിരമിക്കണമെന്ന ആവശ്യവും ശക്തമായി. ഇതിനിടെയാണ് സൈനിക പരിശീലനത്തിന് അവധിവാങ്ങി ധോണി പാരച്യൂട്ട് പരിശീനം ആരംഭിച്ചത്. ധോണി ഏതുരീതിയിലാണോ ക്രിക്കറ്റിനെ സ്നേഹിച്ചത് അതേ രീതിയിലാണ് സൈനിക സേവനത്തേയും കാണുന്നതെന്നാണ് ആര്മി ഒഫീഷ്യലിന്റെ പ്രതികരണം.
Continue with Google