ഉറപ്പിച്ചോ, ധോണി അടുത്ത കോച്ചാവും!! ധോണിയുടെ ട്രിക്ക്, തകര്‍ത്തടിച്ച് റെയ്‌ന... വീഡിയോ വൈറല്‍

റെയ്‌നയെ സഹായിക്കുന്ന ധോണി

നെറ്റ്‌സില്‍ റെയ്‌നയ്ക്കു ബാറ്റിങില്‍ ധോണി ഉപദേശം നല്‍കുന്നതിന്റെ വീഡിയോ സിഎസ്‌കെ തന്നെയാണ് സമൂഹമാധ്യമങ്ങളിലൂടെ പുറത്തുവിട്ടിരിക്കുന്നത്. റെയ്‌നയെപ്പോലെ ഇടംകൈയില്‍ ബാറ്റ് പിടിച്ച് ലോഫ്റ്റഡ് ഷോട്ട് കളിക്കാന്‍ ധോണി പഠിക്കുന്നതാണ് ദൃശ്യങ്ങളിലുള്ളത്.
ഇതിനു തൊട്ടു പിന്നാലെ റെയ്‌ന നെറ്റ്‌സില്‍ തകര്‍ത്തു കളിക്കുന്നതും വീഡിയോയിലുണ്ട്. ധോണി കാണിച്ചു കൊടുത്ത അതേ ഷോട്ടുകള്‍ തന്നെയാണ് റെയ്‌ന കിറുകൃത്യമായി തന്നെ കളിക്കുകയും ചെയ്തതെന്ന് വീഡിയോയില്‍ നിന്നും വ്യക്തവുമാണ്.

ധോണിയുമായി അടുത്ത സൗഹൃദം

ഏറെക്കാലമായി സിഎസ്‌കെയില്‍ ഒരുമിച്ചു കളിച്ചു കൊണ്ടിരിക്കുന്ന ധോണിയും റെയ്‌നയും തമ്മില്‍ അടുത്ത സൗഹൃദമാണുള്ളത്. നേരത്തേ ധോണി ഇന്ത്യയുടെ ക്യാപ്റ്റനായിരുന്നപ്പോള്‍ റെയ്‌ന ടീമിന്റെ അവിഭാജ്യ ഘടകവുമായിരുന്നു. സിഎസ്‌കെ ഐപിഎല്ലില്‍ മൂന്നു തവണ കിരീടമുയര്‍ത്തിയപ്പോഴും ധോണിയുടെ വലംകൈയായി റെയ്‌നയുണ്ടായിരുന്നു.
ധോണിയെ തലയെന്നാണ് സിഎസ്‌കെ ആരാധകര്‍ വിശേഷിപ്പിക്കുന്നതെങ്കില്‍ ചിന്നത്തലയെന്നാണ് റെയ്‌നയുടെ വിളിപ്പേര്. ഐപിഎല്ലില്‍ ആദ്യമായി 5000നു മുകളില്‍ റണ്‍സ് നേടിയ ആദ്യത്തെ താരവും റെയ്‌നയാണ്. ഐപിഎല്ലില്‍ എല്ലാ സീസണിലും 300നു മുകളില്‍ റണ്‍സും അദ്ദേഹം നേടിയിട്ടുണ്ട്.

വീഡിയോ കാണാം

ചെന്നൈ സൂപ്പര്‍ കിങ്‌സിന്റെ നെറ്റ് പ്രാക്ടീസിനിടെ സുരേഷ് റെയ്‌നയ്ക്കു ക്യാപറ്റന്‍ എംഎസ് ധോണി ബാറ്റിങില്‍ ഉപദേശം നല്‍കുന്നതിന്റെ വീഡിയോ കാണാം.