Click it and Unblock the Notifications
അശ്വിന് രൂക്ഷ വിമര്ശനം
സംഭവം ക്രിക്കറ്റ് ലോകത്ത് വലിയ ചര്ച്ചയ്ക്കാണ് വഴിവെച്ചത്. അശ്വിനെതിരെ ഇംഗ്ലണ്ട് താരങ്ങളും ഷെയ്ന് വോണ് ഉള്പ്പെടെയുള്ള മുന് താരങ്ങളും രംഗത്തെത്തി. മുന് ഇന്ത്യന് താരങ്ങളും അശ്വിന്റെ പ്രവര്ത്തി ക്രിക്കറ്റിന്റെ മാന്യതയ്ക്ക് നിരയ്ക്കുന്നതല്ലെന്ന് വിമര്ശിച്ചു. വിമര്ശനങ്ങള്ക്ക് മൗനം പാലിച്ചിരുന്ന അശ്വിന് ഇപ്പോള് മറുപടിയുമായി എത്തിയിരിക്കുകയാണ്.
ഇംഗ്ലീഷ് താരങ്ങള് പിന്തുണയ്ക്കും
ഇംഗ്ലീഷ് താരങ്ങള് സഹതാരത്തെ പിന്തുണയ്ക്കുന്നത് സ്വാഭാവികമാണെന്ന് അശ്വിന് പറഞ്ഞു. ഇന്ത്യന് ക്രിക്കറ്റ് രംഗത്തുനിന്നും ബട്ലര്ക്ക് പിന്തുണ കിട്ടിയതും നല്ലകാര്യം തന്നെ. പക്ഷെ, തന്നെയിത് ഒരു തരത്തിലും ബാധിച്ചിട്ടില്ല. ചെയ്തത് ശരിയാണെന്ന കാര്യത്തില് ഉറച്ചുനില്ക്കുന്നു. ഓരോ വ്യക്തികള്ക്കനുസരിച്ചാണ് ഇത്തരം തീരുമാനങ്ങളെന്ന് അശ്വിന് വ്യക്തമാക്കി.
കാലം മാറിപ്പോയെന്ന് അശ്വിന്
പത്ത് വര്ഷങ്ങള്ക്ക് മുന്പായിരുന്നെങ്കില് പുറത്താക്കുന്നതിന് മുന്പ് മുന്നറിയിപ്പ് നല്കുന്നതൊക്കെ നല്ലതുതന്നെ. അന്ന് 50 ഓവര് ക്രിക്കറ്റിന്റെ കാലമായിരുന്നു. ഇന്ന് ടി20 ക്രിക്കറ്റിന്റെ കാലമാണ്. മുന്നറിയിപ്പ് നല്കാനും പിന്നീട് പുറത്താക്കാനുമൊന്നും ഇവിടെ സമയമില്ലെന്ന് അശ്വിന് ചൂണ്ടിക്കാട്ടി. ബട്ലര് ക്രീസ് വിടാന് കാത്തുനിന്നെന്ന ആരോപണവും അശ്വിന് തള്ളിക്കളഞ്ഞു. ബൗളിങ് ആക്ഷന് പൂര്ത്തിയാക്കാന് കാത്തുനിന്നിരുന്നെങ്കില് തനിക്ക് റണ്ണൗട്ടിനുള്ള സമയം ലഭിക്കില്ലെന്നാണ് അശ്വിന്റെ വിശദീകരണം.
ബട്ലറുടെ പ്രതികരണം
അമ്പയറുടെ തെറ്റായ തീരുമാനമാണ് തന്നെ പുറത്താക്കിയതെന്നാണ് കഴിഞ്ഞദിവസം ബട്ലര് പ്രതികരിച്ചത്. അത് യഥാര്ഥത്തില് ഔട്ടായിരുന്നില്ല. അശ്വിന് പന്ത് റിലീസ് ചെയ്യും മുമ്പ് താന് ക്രീസില് ഉണ്ടായിരുന്നുവെന്ന് താരം ചൂണ്ടിക്കാട്ടുന്നു. വീഡിയോ റീപ്ലേ പരിശോധിക്കാവുന്നതാണ്. അശ്വിന് ബൗള് ചെയ്യുന്നതിന് തൊട്ടുമുമ്പ് തന്നെ ക്രീസില് കാണാമെന്നും ബട്ലര് കൂട്ടിച്ചേര്ത്തു.
Continue with Google