യുഎസ് ഓപണ്‍ സ്റ്റോസറിന്

ന്യൂയോര്‍ക്ക്: മൂന്നു തവണ ചാംപ്യനായിട്ടുള്ള സെറീന വില്യംസിനെ അട്ടിമറിച്ച് സാമന്താ സ്‌റ്റോസര്‍ യുഎസ് ഓപണ്‍ വനിതാ വിഭാഗം കിരീടം സ്വന്തമാക്കി. 6-2, 6-3 എന്ന സ്‌കോറില്‍ കരിയറിലെ ആദ്യ ഗ്രാന്‍സ്ലാം കിരീടത്തിലാണ് ആസ്‌ത്രേലിയന്‍ താരം മുത്തമിട്ടത്. മാര്‍ഗരറ്റ് കോര്‍ട്ടിനു(1973)ശേഷം യുഎസ് കിരീടം നേടുന്ന ആദ്യ ആസ്‌ത്രേലിയന്‍ താരം കൂടിയാണ് സ്‌റ്റോസര്‍.

ലോകഒന്നാം നമ്പര്‍ താരം കരോലിന്‍ വോസ്‌നിയാക്കിനെ തോല്‍പ്പിച്ചാണ് സെറീന ഫൈനലിലെത്തിയത്. ജര്‍മനിയില്‍ നിന്നുള്ള അണ്‍സീഡഡ് താരം എയ്ഞ്ചലിക് കെര്‍ബറെയാണ് സ്റ്റോസര്‍ സെമിഫൈനലില്‍ മുട്ടുകുത്തിച്ചത്. ഫൈനലില്‍ നിറംമങ്ങി പോയെങ്കിലും ഈ വര്‍ഷം വെറും അഞ്ചു ടൂര്‍ണമെന്റുകള്‍ മാത്രം കളിച്ചിട്ടുള്ള അമേരിക്കന്‍ താരം ഗംഭീര തിരിച്ചുവരവാണ് നടത്തിയത്.