അര്‍ദ്ധനഗ്നചിത്രം സെറീന പിന്‍വലിച്ചു

ന്യൂയോര്‍ക്ക്: ട്വിറ്റര്‍ പേജില്‍ സ്വന്തം നഗ്നചിത്രം പ്രദര്‍ശിപ്പിച്ച് ടെന്നീസ് റാണി സെറീന വില്യംസ് പുലിവാല് പിടിച്ചു. ഒടുവില്‍ കടുത്ത എതിര്‍പ്പിനെ തുടര്‍ന്ന് ചിത്രം പിന്‍വലിയ്ക്കാനും സെറീന നിര്‍ബന്ധിതയായി,

സുതാര്യമായ ഒരു കര്‍ട്ടനപ്പുറത്ത് അടിവസ്ത്രം മാത്രം ധരിച്ച് സെറീന നില്‍ക്കുന്ന ചിത്രത്തിനെതിരെ സെറീനയുടെ ട്വിറ്റര്‍ ഫോളോവേഴ്‌സ് നിശിത വിമര്‍ശനങ്ങള്‍ ഉയര്‍ത്തിയിരുന്നു. ഇതിന് പുറമെ ഡെയ്‌ലി മിററും സ്‌പോര്‍ട്ടിംഗ് ന്യൂസും സെറീനയുടെ രണ്ടുംകല്‍പ്പിച്ചുള്ള നീക്കത്തിനെതിരെ രംഗത്തെത്തി.

എന്താണ് ഈ ചിത്രത്തിലൂടെ സെറീന നല്‍കുന്ന സന്ദേശം? എന്താണ് സെറീന പറയാന്‍ ശ്രമിക്കുന്നത്? ട്വിറ്ററില്‍ ആരാധകര്‍ സെറീനയോട് ചോദിച്ചത് ഇതൊക്കെയായിരുന്നു. സെറീനയുടെ കാമുകനെന്നു പറഞ്ഞ് ഒരാള്‍ ട്വിറ്ററില്‍ പ്രത്യക്ഷപ്പെടുകയും ഇയാളെ അറസ്റ്റു ചെയ്യുകയും ചെയ്തിട്ട് അധികം കഴിയുന്നതിനുമുമ്പാണ് പുതിയ വിവാദം പൊട്ടിപ്പുറപ്പെട്ടത്.