ലാംപാര്‍ഡിനെ റാഞ്ചാന്‍ ഗാലക്‌സി

ലോസ്ആഞ്ചലസ്: ചെല്‍സി താരം ഫ്രാങ്ക് ലാംപാര്‍ഡുമായി കരാറൊപ്പിടാന്‍ അമേരിക്കന്‍ മേജര്‍ ലീഗ് ടീമായ ലാ ഗാലക്‌സി ശ്രമിക്കുന്നു ഡേവിഡ് ബെക്കാമുമായുള്ള കരാര്‍ രണ്ടു വര്‍ഷത്തേക്കുകൂടി നീട്ടിയതിനുപിറകെയാണ് ഇംഗ്ലണ്ടിന്റെ ഈ സൂപ്പര്‍ മിഡ്ഫീല്‍ഡറെ സ്വന്തമാക്കാന്‍ അമേരിക്കന്‍ ചാംപ്യന്മാര്‍ ശ്രമം തുടങ്ങിയത്.

ചെല്‍സിയെ കുറിച്ച് ചിന്തിക്കുമ്പോഴെല്ലാം എന്റെ മനസ്സില്‍ കടന്നു വരുന്നത് ലാംപാര്‍ഡിന്റെ മുഖമാണ്- ലാ ഗാലക്‌സി ഉടമ ടിം ലെല്‍വെക്കെ പറഞ്ഞു.

ഡേവിഡ് ബെക്കാമിനെ അമേരിക്കയിലെത്തിക്കാന്‍ ഏകദേശം രണ്ടു വര്‍ഷത്തോളം സമയമെടുത്തു. ലാംപാര്‍ഡിന്റെ കാര്യത്തിലും കാത്തിരുന്നു കാണാമെന്ന നയമാണ് ക്ലബ്ബിനുള്ളത്. വളരെ ആകര്‍ഷകമായ ഓഫര്‍ ക്ലബ്ബ് മുന്നോട്ടുവെച്ചിട്ടുണ്ട്.