അല്‍ഖാസ് കപ്പ് ഈ മാസം എട്ടിന്

ദോഹ: അല്‍ഖാസ് അന്താരാഷ്ട്ര അണ്ടര്‍ -17 ഫുട്‌ബോള്‍ മല്‍സരങ്ങള്‍ ജനുവരി എട്ടാം തിയ്യതി തുടങ്ങും. ഖത്തര്‍ തലസ്ഥാനമായ ദോഹയിലുള്ള ആസ്‌പെയര്‍ ഇന്റര്‍നാഷണല്‍ സോണിലെ ഔട്ട് ഡോര്‍ പിച്ചിലാണ് മല്‍സരങ്ങള്‍ നടക്കുക. അല്‍ ദാവ്‌രി ആന്റ് അല്‍കാസ് സ്‌പോര്‍ട്‌സ് ചാനലും ഖത്തര്‍ ഫുട്‌ബോള്‍ അസോസിയേഷനും ആസ്പയര്‍ സോണ്‍ ഫൗണ്ടേഷനും സംയുക്തമായാണ് ടൂര്‍ണമെന്റ് സംഘടിപ്പിക്കുന്നത.

പാരീസ് സെന്റ് ജെര്‍മന്‍(ഫ്രാന്‍സ്), വാസ്‌കോഡി ഗാമ(ബ്രസീല്‍), യുവഞ്ചസ്(ഇറ്റലി), അജാക്‌സ്( ഹോളണ്ട്), എഫ്‌സി ബാഴ്‌സലോണ(സ്‌പെയിന്‍), അല്‍ ജസീറ(യുഎഇ), അല്‍ അഹ്‌ലി(ഈജിപ്ത്), കഷിമ ആന്റ്‌ലേഴ്‌സ്(ജപ്പാന്‍) തുടങ്ങിയ ടീമുകളാണ് മത്സരത്തിനെത്തുന്നത്.

ഫിഫ 2022ന് ആതിഥേയത്വം വഹിക്കുന്നതിന്റെ ഭാഗമായാണ് ഖത്തര്‍ ഈ ജൂനിയര്‍ ഫുട്‌ബോള്‍ മേള സംഘടിപ്പിക്കുന്നത്. ഖത്തര്‍ നാഷണല്‍ ബാങ്ക്, റിറ്റ്‌സ് കാള്‍ട്ടണ്‍ ഹോട്ടല്‍, ഖത്തര്‍ എയര്‍വെയ്‌സ്, ക്യുവിഷന്‍ എന്നിവയുടെ സഹായത്തോടുകൂടിയാണ് ടൂര്‍ണമെന്റ് സംഘടിപ്പിക്കുന്നത്.