ആഫ്രോ നാഷണ്‍സ് കപ്പ്: ഘാന ക്വാര്‍ട്ടറില്‍

മലബോ: ഘാന ആഫ്രോ നാഷണ്‍സ് കപ്പിന്റെ ക്വാര്‍ട്ടറില്‍ കടന്നു. ഗ്രൂപ്പിലെ അവസാനമത്സരത്തില്‍ ഗിനിയയുമായി സമനില പാലിച്ചെങ്കിലും ഏഴു പോയിന്റുമായി ഗ്രൂപ്പ് ഡിയില്‍ ഒന്നാമതെത്തി.

മൂന്നു മത്സരങ്ങളില്‍ നിന്ന് രണ്ടു വിജയവും ഒരു തോല്‍വിയുമായി മാലിയാണ് ക്വാര്‍ട്ടറില്‍ കടന്ന രണ്ടാമത്തെ ടീം. ഗ്രൂപ്പിലെ അവസാന മത്സരത്തില്‍ ബോത്‌സ്വാനയെ 2-1ന് തോല്‍പ്പിച്ചാണ് മാലി അവസാന എട്ടില്‍ ഇടം പിടിച്ചത്.

ക്വാര്‍ട്ടര്‍ മത്സരങ്ങള്‍ ശനിയാഴ്ച മുതല്‍ ആരംഭിക്കും. ആദ്യ ദിവസം സാംബിയ സുഡാനുമായും ഐവറികോസ്റ്റ് ഇക്വറ്റേറിയല്‍ ഗിനിയയുമായും രണ്ടാം ദിവസം ഗാബോണ്‍ മാലിയുമായും ഘാന ടുണീഷ്യയുമായും ഏറ്റുമുട്ടും.