പ്രോ ഗുസ്തി ലീഗ്; മുംബൈ മഹാരഥിക്കെതിരെ എംപി യോദ്ധയ്ക്ക് ജയം

ചണ്ഡീഗഡ്: പ്രോ ഗുസ്തി ലീഗ് സീസണ്‍ നാലാം ദിനത്തിലെ കളിയില്‍ മുംബൈ മഹാരഥിക്കെതിരെ എംപി യോദ്ധയ്ക്ക് ജയം. നിര്‍ണായക മത്സരത്തില്‍ സന്ദീപ് തൊമാറിന്റെ ഉജ്വല പ്രകടനം 4-3 എന്ന മാര്‍ജിനിലുള്ള ജയമാണ് ടീമിന് സമ്മാനിച്ചത്. മഹാരഥിക്കുവേണ്ടി ഇന്ത്യന്‍ താരം വിനേഷ് ഫോഗട്ട് ഒരിക്കല്‍ക്കൂടി ത്രസിപ്പിക്കുന്ന ജയം സ്വന്തമാക്കിയെങ്കിലും ടീമിന് ജയിക്കാനായില്ല.
മെല്‍ബണ്‍ ഏകദിനം: ടോസ് ഇന്ത്യക്ക്... ഓസീസിനെ ബാറ്റിങിന് അയച്ചു
റിതു ഫോഗട്ടിനെ 15-0 എന്ന സ്‌കോറിനാണ് 53 കിലോഗ്രാം കാറ്റഗറിയില്‍ വിനേഷ് ഫോഗട്ട് ദയനീയമായി പരാജയപ്പെടുത്തിയത്. എന്നാല്‍, തൊട്ടടുത്ത മത്സരത്തില്‍ യോദ്ധയ്ക്കുവേണ്ടി പൂജ ദണ്ഡ വിജയം നേടി. ബെറ്റ്‌സബെത്തിനെതിരെ 7-4 എന്ന സ്‌കോറിനായിരുന്നു പൂജയുടെ വിജയം. തുടക്കത്തില്‍ പിന്നിലായിരുന്ന പൂജ അവസാന നിമിഷങ്ങളില്‍ മികച്ച പ്രകടനത്തോടെ തിരിച്ചുവരികയായിരുന്നു.

മൂന്നാം മത്സരത്തില്‍ ദീപക് പൂണിയ യോദ്ധയ്ക്ക് വീണ്ടും ലീഡ് നല്‍കി. 86 കിലോഗ്രാം വിഭാഗത്തില്‍ ദീപക് പൂണിയ മുന്‍ ദേശീയ ചാമ്പ്യന്‍ ദീപക്കിനെ തോല്‍പ്പിക്കുകയായിരുന്നു. പിന്നീട് നടന്ന മത്സരത്തില്‍ യോദ്ധയ്ക്കുവേണ്ടി എലിസി മൊണോലോവ ശില്‍പി യാദവിനെ തോല്‍പ്പിച്ചു. ഇരു ടീമുകളും തുല്യത പാലിച്ചതോടെ 57 കിലോഗ്രാം വിഭാഗത്തില്‍ മുംബൈയുടെ ഇബ്രാജിം ഇല്യാസോവും യോദ്ധയുടെ സന്ദീപ് തൊമാറും തമ്മിലുള്ള മത്സരം നിര്‍ണായകമായി. 10-7 എന്ന നിലയിലാണ് സന്ദീപ് ജയം സ്വന്തമാക്കിയത്.