Click it and Unblock the Notifications
മിസ്റ്റര്‍ മരുമകന്‍
ഡിയഗോ മറഡോണയുടെ മകള്‍ ജിയാനിന മറോഡണയാണ് അഗ്യൂറോയുടെ വധു. തുടക്കത്തില്‍ അഗ്യൂറോയെ ശ്രദ്ധേയനാക്കിയത് ഇരുതലമൂര്‍ച്ചയുള്ള ഈ മിസ്റ്റര്‍ മരുമകന്‍ വിശേഷണം തന്നെ.
അതുക്കും മേലെ
എന്നാല്‍ കുറഞ്ഞ സീസണുകള്‍ കൊണ്ട് തന്നെ 26 കാരനായ അഗ്യൂറോ അതിനും മേലെ പോയി. ഇംഗ്ലീഷ് പ്രീമിയര്‍ ലീഗില്‍ കളിച്ച ഓരോ 115 മിനുട്ടിലും ഓരോ തവണ വല കുലുക്കി അഗ്യൂറോ. 2014 ലായിരുന്നു ഈ പ്രകടനം.
എവിടെയും കളിക്കും അഗ്യൂറോ
സെന്റര്‍ ഫോര്‍വേഡാണ് അഗ്യൂറോ. മാഞ്ചസ്റ്റര്‍ സിറ്റിക്ക് വേണ്ടി ഫോര്‍വേഡായിട്ടാണ് അഗ്യൂറോ കളിക്കുന്നത്. അര്‍ജന്റീന ടീമിലെത്തിയാല്‍ അഗ്യൂറോ മിഡ് ഫീല്‍ഡിലേക്ക് മാറും.
റൊമാരിയോയെ പോലെ
ബ്രസീലിന്റെ സൂപ്പര്‍ സ്റ്റാര്‍ താരം റൊമാരിയയെ പോലെയാണ് അഗ്യൂറോ പന്ത് തട്ടുന്നതെന്ന് ആദ്യമായി പറഞ്ഞത് സിറ്റിയുടെ പഴയ കോച്ച് റോബര്‍ട്ടോ മാന്‍ചീനിയാണ്.
യൂറോപ്പിലേക്ക്
അത്‌ലറ്റികോ മാഡ്രിഡിലൂടെ യൂറോപ്പില്‍ പന്ത് തട്ടിത്തുടങ്ങിയ അഗ്യൂറോ 2011 ല്‍ മാഞ്ചസ്റ്റര്‍ സിറ്റിയിലെത്തി. ആദ്യ സീസണില്‍തന്നെ സിറ്റിയെ കിരീടത്തിലെത്തിച്ച് അഗ്യൂറോ പേരെടുത്തു.
