PKL 2025: ഷാഡ്ലൂയി vs സുനില്‍ അല്ല, കബഡി ഒരു ടീം ഗെയിം: യു മുംബ ക്യാപ്റ്റന്‍

ആതിഥേയരായ തമിഴ് തലൈവാസിനെതിരെ 42-24 എന്ന സ്‌കോറിന് വിജയിച്ച യു മുംബ പ്രോ കബഡി ലീഗിലെ വിജയവഴിയില്‍ തിരിച്ചെത്തിയിരിക്കുകയാണ്. തുടര്‍ച്ചയായ മൂന്ന് തോല്‍വികള്‍ക്ക് ശേഷമാണ് സീസണ്‍ 2 ചാമ്പ്യന്മാരായ അവര്‍ വിജയവഴിയിലേക്ക് തിരിച്ചെത്തിയിരിക്കുന്നുത്. ഈ വിജയത്തോടെ യു മുംബ പോയിന്റ് പട്ടികയില്‍ ആറാം സ്ഥാനത്തേക്ക് ഉയര്‍ന്നു.

'മൂന്ന് തോല്‍വികള്‍ക്ക് ശേഷം, കളിക്കാരെ പ്രചോദിപ്പിക്കേണ്ടതുണ്ട്. അവര്‍ക്ക് ഒരു പോരായ്മയുമില്ലെന്ന് എനിക്കറിയാം. നമ്മുടെ ശക്തിക്കനുസരിച്ച് കളിച്ചാല്‍, നമുക്ക് ഏത് ടീമിനെയും പരാജയപ്പെടുത്താന്‍ കഴിയും. അതിനാല്‍, ഒരു പരിശീലകനെന്ന നിലയില്‍, അവരെ പ്രചോദിപ്പിക്കുകയും സ്വന്തം കളി കളിക്കാന്‍ പ്രോത്സാഹിപ്പിക്കുകയും ചെയ്യുക എന്നതാണ് ഞങ്ങളുടെ ജോലി,' യു മുംബയുടെ മുഖ്യ പരിശീലകന്‍ അനില്‍ ചപ്രാന പറഞ്ഞു.

തെറ്റുകളില്‍ നിന്ന് പാഠമുള്‍ക്കൊണ്ട് വളരെ ഹൃദയപൂര്‍വ്വം പരിശീലിക്കുകയും നന്നായി കളിക്കുകയും ചെയ്തതാണ് വിജയത്തിലേക്ക് നയിച്ചത് എന്നും അദ്ദേഹം പറഞ്ഞു. സന്ദീപ് കുമാര്‍ തന്റെ സൂപ്പര്‍ 10 പൂര്‍ത്തിയാക്കി. സുനില്‍ കുമാറും തന്റെ ഹൈ ഫൈവ് പൂര്‍ത്തിയാക്കി ടീമിനെ വിജയത്തിലേക്ക് നയിച്ചു. നിശ്ചിത സമയത്ത് 29-29 എന്ന നിലയില്‍ ടീമുകള്‍ സമനിലയിലായ ശേഷം, റിവേഴ്‌സ് മത്സരത്തില്‍ യു മുംബ ആവേശകരമായ ഒരു ടൈ-ബ്രേക്കര്‍ (6-5) നേടി.

ലീഗിലെ ഞങ്ങളുടെ ആദ്യ മത്സരമായിരുന്നു അതെന്നും വളരെ നല്ല കളിയായിരുന്നു അതെന്നും സുനില്‍ കുമാര്‍ പറഞ്ഞു. ഷാഡ്ലൂയിക്ക് പിഴവ് പറ്റിയതിനാല്‍ ഞങ്ങള്‍ ടൈബ്രേക്കറില്‍ വിജയിച്ചു. ഗുജറാത്ത് ജയന്റ്‌സ് നന്നായി കളിച്ചെന്നും അതുകൊണ്ടാണ് മത്സരം ടൈബ്രേക്കറിലേക്ക് പോയത് എന്നും അദ്ദേഹം ചൂണ്ടിക്കാട്ടി.

'അത് ഷാഡ്ലൂയിയുടെ തെറ്റായിരുന്നു. അടുത്ത മത്സരത്തില്‍ അവന്‍ അതേ തെറ്റ് വീണ്ടും ചെയ്യുമെന്ന് ഞാന്‍ കരുതുന്നില്ല. ഞാന്‍ അവന് ഒരു പോയിന്റ് നല്‍കാന്‍ പോയി. രണ്ടോ മൂന്നോ പോയിന്റുകള്‍ നേടാമെന്ന് അവന്‍ കരുതി, പക്ഷേ അവന്‍ സ്വയം കുടുക്കിലായി. എന്നിരുന്നാലും, അവന്‍ വീണ്ടും അതേ തെറ്റ് ചെയ്യുമെന്ന് ഞാന്‍ കരുതുന്നില്ല. ഷാഡ്ലൂയി തന്റെ തെറ്റ് ആവര്‍ത്തിച്ചാല്‍, ഞങ്ങള്‍ അവനെ നേരിടും', അദ്ദേഹം മുന്നറിയിപ്പ് നല്‍കി.

സുനില്‍ കുമാറും മുഹമ്മദ്റേസ ഷാഡ്ലൂയിയും തമ്മിലുള്ള മത്സരം ഈ മത്സരത്തില്‍ ശ്രദ്ധാകേന്ദ്രമാകും. എന്നാല്‍ കബഡി ഒരു ടീം ഗെയിം ആണ് എന്നും വ്യക്തിപരമായ കളിയല്ല എന്നും യു മുംബ ക്യാപ്റ്റന്‍ പറഞ്ഞു. സുനിലിനെതിരെ ഷാഡ്ലൂയിയാണെന്ന് ഞാന്‍ വിശ്വസിക്കുന്നില്ല. കഴിഞ്ഞ മത്സരത്തില്‍ അത് സംഭവിച്ചു, പക്ഷേ ആ കളി കഴിഞ്ഞു. ഇപ്പോള്‍, ഗുജറാത്ത് ജയന്റ്സ് vs യു മുംബ ആണ്.

ഇത് ഒരു വ്യക്തിഗത കായിക വിനോദമല്ല, ഇത് ഒരു ടീം ഗെയിമാണ്. നന്നായി കളിക്കുകയും കുറച്ച് തെറ്റുകള്‍ വരുത്തുകയും ചെയ്യുന്ന ടീം വിജയിക്കും.' ഷാഡ്ലൂയിയും നമ്മളും ജയിക്കാനാണ് വരുന്നത് എന്നും കഴിഞ്ഞ മത്സരം പോലെ നമ്മള്‍ കളിച്ചാല്‍ നമ്മള്‍ ജയിക്കും എന്നും സുനില്‍ പറഞ്ഞു.