റെക്കോഡ് തുകയ്ക്ക് അഗ്വേറോ സിറ്റിയിലേക്ക്

ലണ്ടന്‍: അത്‌ലറ്റികോയുടെ അര്‍ജന്റീനിയന്‍ താരം സെര്‍ജി അഗ്വേറോയെ മാഞ്ചസ്റ്റര്‍ സിറ്റി റെക്കോഡ് തുകയ്ക്ക് സ്വന്തമാക്കി. ആഴ്ചയില്‍ ഒന്നരലക്ഷം പൗണ്ട് പ്രതിഫലത്തില്‍ അഞ്ചുവര്‍ഷത്തേക്കാണ് കരാര്‍. 3.5കോടി പൗണ്ടിന്റെ ഈ കരാര്‍ ക്ലബ്ബ് ഫുട്‌ബോള്‍ ചരിത്രത്തില്‍ പുതിയ റെക്കോഡാണ്.

2008ല്‍ റൊബീഞ്ഞോയ്ക്കുവേണ്ടി 3.25 കോടി പൗണ്ട് ചെലവാക്കിയതാണ് നിലവിലുള്ള ഏറ്റവും ഉയര്‍ന്ന തുക.അഗ്വേറോയ്ക്കുവേണ്ടി റയല്‍ മാഡ്രിഡും യുവന്റസും ചരടുവലിച്ചിരുന്നു.

കാര്‍ലോസ് ടെവസ് ക്ലബ്ബ് വിടുന്നതിനാലാണ് കോച്ച് മാന്‍സീനി അഗ്വേറയെ പോലൊരുതാരത്തിനെ കൊണ്ടു വരുന്നത്. സാക്ഷാല്‍ ഡീഗോ മറഡോണയുടെ മകളുടെ ഭര്‍ത്താവാണ് അഗ്വേറോ.