മെസ്സിയ്ക്ക് ഡബിള്‍, ബാഴ്‌സയ്ക്കു ജയം

ലണ്ടന്‍: സ്റ്റാര്‍ സ്‌ട്രൈക്കര്‍ ലയണല്‍ മെസ്സി നേടിയ ഇരട്ടഗോളുകളുടെ മികവില്‍ ബാഴ്‌സലോണ 5-0ന് ബാറ്റെ ബോറിസോവയെ കീഴടക്കി യൂറോപ്യന്‍ ചാംപ്യന്‍സ് ലീഗ് ഗ്രൂപ്പ് എച്ചില്‍ മുന്നിലെത്തി. തൊട്ടടുത്ത ഇറ്റാലിയന്‍ ടീം എസി മിലാനും തുല്യപോയിന്റാണുള്ളതെങ്കിലും മെച്ചപ്പെട്ട ഗോള്‍ ശരാശരിയാണ് ബാഴ്‌സലോണയ്ക്ക് മുന്‍തൂക്കം നല്‍കിയത്. മിലാന്‍ വിക്ടോറിയ പിസെനെ 2-0ന് തോല്‍പ്പിച്ചു.

മറ്റു മല്‍സരങ്ങളില്‍ സെനിത് സെന്റ് പീറ്റേഴ്‌സ് ബര്‍ഗ് എഫ് സി പോര്‍ട്ടോയെ 3-1നും ബയേര്‍ ലെവര്‍കുസന്‍ റേസിങ് ഗെങ്കിനെ 2-0നും മാഴ്‌സലെ ബോറഷ്യ ഡോര്‍ട്ട്മുണ്ടിനെ 3-0നും ആഴ്‌സണല്‍ ഒളിംപിയാക്കോസിനെ 2-1നും തോല്‍പ്പിച്ചു. വലന്‍സിയ- ചെല്‍സി മല്‍സരവും ഷക്തര്‍ ഡൊണെസ്‌ക്-നികോസിയ മല്‍സരങ്ങള്‍ 1-1 സ്‌കോറില്‍ സമനിലയിലും പിരിഞ്ഞു.