ഫിഫ അണ്ടര്‍-20: ബ്രസീലിനും അര്‍ജന്റീനയ്ക്കും ജയം

ബൊഗോട്ട: ഫിഫ അണ്ടര്‍ 20 ലോകകപ്പ് ഫുട്‌ബോള്‍ ടൂര്‍ണമെന്റില്‍ ബ്രസീല്‍ ഏകപക്ഷീയമായ നാലു ഗോളുകള്‍ക്ക് പനാമയെയും അര്‍ജന്റീന 3-0ന് വടക്കന്‍ കൊറിയയെയും ഈജിപ്ത് എതിരില്ലാത്ത നാലുഗോളുകള്‍ക്ക് ഓസ്ട്രിയയെയും കീഴടക്കി. മറ്റൊരു മല്‍സരത്തില്‍ ഇംഗ്ലണ്ടും മെക്‌സിക്കോയും ഗോള്‍രഹിത സമനിലയില്‍ പിരിഞ്ഞു.

ഗ്രൂപ്പി സിയില്‍ തുടര്‍ച്ചയായ രണ്ടാം ജയം നേടിയ സ്‌പെയിന്‍ ഇക്വഡോറിനെ ഏകപക്ഷീയമായ രണ്ടു ഗോളുകള്‍ക്ക് പരാജയപ്പെടുത്തി. ഗ്രൂപ്പിലെ മറ്റൊരു മല്‍സരത്തില്‍ ആസ്‌ത്രേലിയയെ രണ്ടിനെതിരേ മൂന്നു ഗോളുകള്‍ക്ക് അടിയറവു പറയിച്ച കോസ്റ്റാറിക്ക രണ്ടാം സ്ഥാനക്കാരായി പ്രീക്വാര്‍ട്ടര്‍ ബെര്‍ത്ത് ഉറപ്പാക്കി.

ഗ്രൂപ്പ് ഡിയില്‍ തുടര്‍ച്ചയായ രണ്ടു ജയം നേടിയാണ് നൈജീരിയയും സൗദി അറേബ്യയും നോക്കൗട്ട് റൗണ്ടില്‍ കടന്നത്. മികച്ച ഗോള്‍ ശരാശരിയില്‍ നൈജീരിയ ഒന്നാമതെത്തി.