ബെയ്ല് - സിദാന് പോര്
ഗാരത് ബെയ്ലും പരിശീലകന് സിദാനും തമ്മിലുള്ള അഭിപ്രായഭിന്നത റയലില് രൂക്ഷമാണെന്നാണ് റിപ്പോര്ട്ട്.മോശം ഫോമിലുള്ള ബെയ്ലിനെ വേണ്ടെന്ന നിലപാട് സിദാന് സ്വീകരിച്ചതാണ് പ്രശ്നത്തിന് കാരണം.റയല് വിടാന് ബെയ്ല് താല്പ്പര്യം പ്രകടിപ്പിച്ചെങ്കിലും റയലിന്റെ പ്രതീക്ഷക്കൊത്ത പ്രതിഫലം ലഭിക്കാത്തതിനാല് ഇതും നടക്കുന്നില്ല.ചൈനീസ് ക്ലബ്ബില് നിന്ന് ബെയ്ലിനായി ലഭിച്ച വമ്പന് ഓഫര് റയല് നിരസിച്ചതും താരത്തിന്റെ ഭാവി അനിശ്ചിതത്വത്തിലാക്കുന്നു.
ഒത്തിണക്കമില്ലാത്ത ടീം
ക്രിസ്റ്റിയാനോ റൊണാള്ഡോ ക്ലബ്ബ് വിട്ടതോടെ റയലിലെ ഒത്തിണക്കം നഷ്ടമായെന്ന് പറഞ്ഞാലും തെറ്റില്ല. മികച്ച ടീമെന്ന നിലയില് കെട്ടുറപ്പുണ്ടായിരുന്ന റയലിന് ഇന്നതില്ല.പ്രതിരോധത്തില് മാഴ്സലോ,സെര്ജിയോ റാമോസ് എന്നീ വമ്പന്മാരൊക്കെ നനഞ്ഞ പടക്കംപോലെയാണ്. മുന്നേറ്റത്തില് കരിം ബെന്സേമ എന്ന ഒറ്റപ്പേരിലേക്ക് റയലിന് ചുരുങ്ങേണ്ടി വന്നു എന്നതാണ് വസ്തുത. വിനീഷ്യസ് ജൂനിയറിന് വമ്പന് മത്സരത്തില് ഫോമിലേക്കുയരാന് സാധിക്കുന്നില്ല.
ഹസാര്ഡ് നഷ്ടകച്ചവടമോ?
ചെല്സിയുടെ കുന്തമുനയായിരുന്ന ഹസാര്ഡിനെ റെക്കോഡ് തുകയ്ക്ക് സ്വന്തമാക്കിയ റയല് മാഡ്രിഡിന് പിഴച്ചോ? നിലവിലെ പ്രകടനം വിലയിരുത്തുമ്പോള് സ്പാനിഷ് തന്ത്രങ്ങള്ക്ക് കീഴില് ഹസാര്ഡിന് ശോഭിക്കാന് കഴിയുന്നില്ല. റൊണാള്ഡോയുടെ പകരക്കാരനായി ഹസാര്ഡിനെ റയല് പരിഗണിക്കുന്നുണ്ടെങ്കിലും അതിനോട് നീതി പുലര്ത്താന് താരത്തിന് കഴിയുന്നില്ല. പ്രീ സീസണിലെ മോശം ഫോമില് നിന്ന് താരം പഴയ ഫോമിലേക്കുയരുമെന്ന പ്രതീക്ഷയിലാണ് ആരാധകര്.