പോയിന്റ് ടേബിളില്..
26 മത്സരങ്ങളില് 55 പോയിന്റുമായി മാഞ്ചസ്റ്റര് സിറ്റി ലീഗ് ടേബിളില് മൂന്നാം സ്ഥാനത്ത്. 27 മത്സരങ്ങളില് 56 പോയിന്റള്ള ടോട്ടനം രണ്ടാം സ്ഥാനത്ത് തുടരുന്നു. ടോട്ടനമിനോട് തോറ്റ എവര്ട്ടന് 44 പോയിന്റുമായി ഏഴാം സ്ഥാനത്ത്. സിറ്റിയോട് തോറ്റതോടെ സണ്ടര്ലാന്ഡ് ഏറ്റവും പിറകില്, ഇരുപതാം സ്ഥാനത്തായി. 27 മത്സരങ്ങളില് 19 പോയിന്റ് മാത്രമുള്ള സണ്ടര്ലാന്ഡ് അടുത്ത സീസണില് പ്രീമിയര് ലീഗില് ഉണ്ടാകില്ലെന്ന് ഏറെക്കുറെ ഉറപ്പായി. തുടര് ജയങ്ങള് ഉണ്ടെങ്കിലേ സണ്ടര്ലാന്ഡിന് രക്ഷയുള്ളൂ.
അഗ്യുറോയും സാനെയും ഗോളടിച്ചു..
സണ്ടര്ലാന്ഡിനെതിരെ സിറ്റിയുടെ ജയം ഉറപ്പാക്കിയത് സെര്ജിയോ അഗ്യുറോയും (42) ലെറോയ് സാനെ (59)യും ചേര്ന്നാണ്.
സ്റ്റേഡിയം ഓഫ് ലൈറ്റിലെ പ്രകാശം...!
അര്ജന്റൈന് സ്ട്രൈക്കര് സെര്ജിയോ അഗ്യുറോ സണ്ടര്ലാന്ഡിന്റെ സ്റ്റേഡിയം ഓഫ് ലൈറ്റിലെ പ്രകാശമാണെന്ന് പറയുന്നത് അതിശയോക്തിയാകില്ല. കാരണം അഗ്യുറോ ഇവിടെ തുടരെ നാലാം മത്സരത്തിലും ഗോളടിച്ചു. എവേ മാച്ചില് സിറ്റിക്ക് പിടിവള്ളിയായത് ആദ്യപകുതിക്ക് പിരിയും മുമ്പെ അഗ്യുറോ നേടിയ ഗോളാണ്.
സ്റ്റോപ്പേജ് ടൈമിലെ ആവേശം...
എവര്ട്ടനെതിരെ ടോട്ടനം മേല്ക്കൈ സ്ഥാപിച്ചത് ഇംഗ്ലീഷ് സ്ട്രൈക്കര് ഹാരി കാനിന്റെ ഇരട്ട ഗോളുകളിലാണ്. 20, 56 മിനുട്ടുകളിലായിരുന്നു സ്കോറിംഗ്. എണ്പത്തൊന്നാം മിനുട്ടില് റൊമേലു ലുകാകുവിന്റെ ഗോളില് എവര്ട്ടന് തിരിച്ചുവരവിന് കോപ്പ് കൂട്ടി. തൊണ്ണൂറ് മിനുട്ട് കഴിഞ്ഞ് സ്റ്റോപ്പേജ് ടൈമിലെ രണ്ടാം മിനുട്ടില് ഡെലി ആലിയിലൂടെ ടോട്ടനം 3-1ന് മുന്നില്. തൊട്ടടുത്ത മിനുട്ടില് വലന്സിയയിലൂടെ എവര്ട്ടന് തിരിച്ചടിച്ചതോടെ 3-2ന്റെ ആവേശം.
ഹാരി ദ സൂപ്പര് സ്ട്രൈക്കര്...
ടോട്ടനം ഹോസ്പറിന്റെ ഹാരി കാന് സൂപ്പര് സ്ട്രൈക്കര് എന്ന വിശേഷണം അന്വര്ഥമാക്കുന്നു. ഇരുപത്തിമൂന്നുകാരനാണ് സീസണിലെ പ്രീമിയര് ലീഗ് ടോപ് സ്കോറര്. പത്തൊമ്പത് ഗോളുകള് നേടിക്കഴിഞ്ഞു. 2017ല് പന്ത്രണ്ട് ലീഗ് മത്സരങ്ങളില് കാന് നേടിയത് പതിമൂന്ന് ഗോളുകള്.
ഗോള് നില
സണ്ടര്ലാന്ഡ് 0-2 മാഞ്ചസ്റ്റര് സിറ്റി
ടോട്ടനം ഹോസ്പര് 3-2 എവര്ട്ടന്