ലണ്ടന്/ മാഡ്രിഡ്: ഇംഗ്ലീഷ് പ്രീമിയര് ലീഗ് ലീഗ് ഫുട്ബോളില് കഴിഞ്ഞ ദിവസം നടന്ന മല്സരങ്ങളില് ബിഗ് ഫോറില്പ്പെട്ട ടീമുകള്ക്കെല്ലാം ജയം. നിലവിലെ ചാംപ്യന്മാരായ ചെല്സി, പോയിന്റ് പട്ടികയിലെ ഒന്നാംസ്ഥാനക്കാരായ മാഞ്ചസ്റ്റര് സിറ്റി, മാഞ്ചസ്റ്റര് യുനൈറ്റഡ്, ആഴ്സനല് എന്നിവരെല്ലാം ജയം കൊയ്തു.
ചെല്സി 4-0ന് ബ്രൈറ്റണിനെ തരിപ്പണമാക്കിയപ്പോള് സിറ്റി 3-1ന് ന്യൂകാസില് യുനൈറ്റഡിനെ കെട്ടുകെട്ടിച്ചു. ക്രിസ്റ്റല് പാലസിനെ 4-1നാണ് ആഴ്സനല് മുക്കിയത്. യുനൈറ്റഡ് 1-0ന് ബേണ്ലിയെ മറികടക്കകുയായിരുന്നു. ഈഡന് ഹസാര്ഡിന്റെ ഇരട്ടഗോളാണ് ബ്രൈറ്റണിനെതിരേ ചെല്സിക്ക് അനായാസ ജയമൊരുക്കിയതെങ്കില് ഹാട്രിക് നേടിയ സെര്ജിയോ അഗ്വേറോയാണ് ന്യൂകാസിലിനെതിരേ സിറ്റിയുടെ ഹീറോ.
ആന്റണി മര്ഷ്യാലിന്റെ ഗോളിനായിരുന്നു യുനൈറ്റഡിന്റെ നേരിയ വിജയം. ന്യൂകാസിലിനെതിരേ നേടിയ ജയത്തോടെ ലീഗില് തലപ്പത്തുള്ള സിറ്റി രണ്ടാംസ്ഥാനാക്കാരായ യുനൈറ്റഡുമായുള്ള അകലം 12 പോയിന്റാക്കി നിലനിര്ത്തി.
സ്പാനിഷ് ലീഗില് അത്ലറ്റികോ മാഡ്രിഡ്, വലന്സിയ തുടങ്ങിയ മുന്നിര ടീമുകള്ക്കെല്ലാം തിരിച്ചടി നേരിട്ടു. അത്ലറ്റികോയെ ജിറോണ 1-1ന് തളയ്ക്കുകയായിരുന്നു. വലന്സിയയെ ലാസ് പാല്മസ് 2-1ന് അട്ടിമറിച്ചു. മറ്റൊരു കളിയില് സെവിയ്യ 3-0ന് എസ്പാന്യോളിനെ തുരത്തി.