ലണ്ടന്: സ്വിറ്റ്സര്ലാന്ഡ് ഫോര്വേഡ് ഷെഹര്ദാന് ഷാക്വിരി ഇംഗ്ലീഷ് പ്രീമിയര് ലീഗ് ഗ്ലാമര് ക്ലബ്ബായ ലിവര്പൂളിലേക്ക് ചേക്കേറി. പ്രീമിയര് ലീഗില് നിന്ന് കഴിഞ്ഞ സീസണില് രണ്ടാം ഡിവിഷനിലേക്ക് തരംതാഴ്ത്തപ്പെട്ട സ്റ്റോക്ക് സിറ്റിയില് നിന്നാണ് 26 കാരനായ താരം ലിവര്പൂളിലേക്ക് കൂടുമാറിയത്.
അഞ്ചു വര്ഷത്തെ കരാറിലാണ് ഷാക്വിരി ലിവര്പൂളുമായി ഒപ്പുവച്ചത്. 13 മില്യണ് യൂറോയ്ക്കാണ് താരം ലിവര്പൂളിലെത്തിയത്. ബയേണ് മ്യൂണിക്ക്, ഇന്റര്മിലാന്, എഫ്സി ബാസെല് എന്നീ ഗ്ലാമര് ക്ലബ്ബുകള്ക്കു വേണ്ടി ഇതിനു മുന്പ് ഷാക്വിരി കളിച്ചിട്ടുണ്ട്. സ്റ്റോക്ക് സിറ്റിക്കായി 84 മല്സരങ്ങളില് നിന്ന് 15 ഗോളുകള് താരം നേടിയിരുന്നു.