Click it and Unblock the Notifications
മെസ്സി അടുത്ത ലോകകപ്പ് കളിക്കും
മെസ്സി തീര്ച്ചയായും 2022ല് നടക്കാനിരിക്കുന്ന ലോകകപ്പില് അര്ജന്റീനയ്ക്കു വേണ്ടി കളിക്കുക തന്നെ ചെയ്യും. എന്നാല് അതിനായി അര്ജന്റീനയ്ക്കു ഏറെ ദൂരം പോവാനുണ്ട്. അര്ജന്റീനയ്ക്കു ഇപ്പോള് മാറ്റത്തിന്റെ സമയമാണ്. പുതിയൊരു നിരയെ വാര്ത്തെടുക്കാനുള്ള ശ്രമത്തിലാണ് അവര്.
അടുത്ത ലോകകപ്പിന് മുമ്പ് അടുത്ത വര്ഷം നടക്കാനിരിക്കുന്ന കോപ്പ അമേരിക്ക അര്ജന്റീനയ്ക്കു മുന്നിലുണ്ട്. കോപ്പ നേടാന് അര്ജന്റീനയ്ക്കു കഴിഞ്ഞില്ലെങ്കില് ഇപ്പോഴുള്ളതു പോലെ പുതിയ പരീക്ഷണങ്ങള് തുടരേണ്ടി വരുമെന്നും സാപോളി ചൂണ്ടിക്കാട്ടി.
മെസ്സിയെക്കുറിച്ച് നല്ലതു മാത്രം
അര്ജന്റീനയ്ക്കൊപ്പം വെറും 13 മാസങ്ങള് മാത്രമേ പ്രവര്ത്തിക്കാന് സാംപോളിക്കായിട്ടുള്ളൂ. എങ്കിലും മെസ്സിയെക്കുറിച്ച് നല്ലതു മാത്രമേ അദ്ദേഹത്തിനു പറയാനുള്ളൂ. ലോകകപ്പിനിടെ മെസ്സിയും സാംപോളിയും തമ്മില് ചില സൗന്ദര്യപ്പിണക്കങ്ങള് ഉണ്ടായിരുന്നുവെന്ന തരത്തില് റിപ്പോര്ട്ടുകളുണ്ടായിരുന്നു. എന്നാല് ഇവയെല്ലാം അദ്ദേഹം തള്ളിക്കളഞ്ഞു.
മെസ്സി അസാമാന്യ പ്രതിഭയാണ്. ഇത്രയും ആത്മാര്ഥതയോടെ കളിച്ചിട്ടും തോല്വിയുടെ പേരില് അദ്ദേഹം ക്രൂശിക്കപ്പെടുന്നത് കഷ്ടമാണ്. മറ്റുള്ള ഏതൊരു താരത്തേക്കാളും കൂടുതല് വിമര്ശനങ്ങള് മെസ്സി നേരിട്ടിട്ടുണ്ടെന്നും സാംപോളി വിശദമാക്കി.
മെസ്സിക്കൊപ്പമെത്താന് ശ്രമം
ലോകത്തിലെ ഏറ്റവും മികച്ച താരമായ മെസ്സിയുടെ നിലവാരത്തിനൊപ്പമെത്തുകയെന്നത് ടീമിലെ മറ്റുള്ളവര്ക്കു എളുപ്പമല്ല. ചിലപ്പോള് അവര്ക്ക് അതിനു കഴിയുമ്പോള് മറ്റു ചിലപ്പോള് സാധിക്കുന്നില്ലെന്നും സാംപോളി പറഞ്ഞു. മെസ്സി ടീമിലുള്ളതിനാല് ഒരു ചെറിയ പഴുത് പോലും വരാതിരിക്കാനാണ് ടീം ശ്രമിക്കാറുള്ളതെന്നും മുന് കോച്ച് കൂട്ടിച്ചേര്ത്തു.
അര്ജന്റീന പരാജയപ്പെടുമ്പോള് അതിന്റെ ഉത്തരവാദികള് മെസ്സിയേക്കാളുപരി മറ്റു താരങ്ങളാണ്. കാരണം മെസ്സിക്കൊപ്പം അവര്ക്കു എത്താന് കഴിയാത്തപ്പോഴാണ് അര്ജന്റീനയ്ക്കു തിരിച്ചടി നേരിടുന്നതെന്നും സാംപോളി ചൂണ്ടിക്കാട്ടി.
Continue with Google