ബാഴ്സലോണ: അര്ജന്റീന ഫുട്ബോള് സൂപ്പര്താരം ലയണല് മെസ്സിക്ക് ഗോളടിയില് പുതിയ റെക്കോര്ഡ്. ഗോളൊരുക്കുന്നതിലും ഗോളടിക്കുന്നതിലും ഒരുപടി മുന്നില്നില്ക്കുന്ന മെസ്സി ഇക്കാര്യത്തില് 1000 തികച്ചു. പ്രൊഫഷണല് ഫുട്ബോളിലും രാജ്യത്തിനുമായി മെസ്സി 1000 ഗോളുകളിലാണ് പങ്കാളിയായത്. കഴിഞ്ഞദിവസം സ്പാനിഷ് ലാ ലീഗയില് ഐബറിനെതിരായ മത്സരത്തിലായിരുന്നു മെസ്സിയുടെ നേട്ടം.
ആകെ 696 ഗോളും 306 അസിസ്റ്റും നേടിയ മെസ്സി സീനിയര് കരിയറില് 1002 ഗോളുകളിലാണ് പങ്കാളിയായത്. മറ്റൊരു ഫുട്ബോള് താരത്തിനും ഈ നേട്ടത്തിലെത്താനായിട്ടില്ല. ആകെ 853 കളികളിലിറങ്ങിയിട്ടുണ്ട് മെസ്സി. അര്ജന്റീനയ്ക്കായി 138 കളികളില്നിന്നും 70 ഗോളും 45 അസിസ്റ്റും നടത്തി. ബാഴ്സലോണയ്ക്കായി 715 കളികളില്നിന്നും 626 ഗോളും 261 അസിസ്റ്റുമാണ് മെസ്സിയുടെ അക്കൗണ്ടിലുള്ളത്.
ദൈവത്തിന്റെ കയ്യൊപ്പ് പതിഞ്ഞ ദിനം; ഏകദിനത്തിലെ ആദ്യ ഡബിള് സെഞ്ച്വറിക്ക് ഇന്ന് പത്തു വയസ്സ്
ഐബറിനെതിരെ ഹാട്രിക് ഉള്പ്പെടെ നാലു ഗോളുകള് നേടിയ താരം ഹാട്രിക്കില് 54 തികച്ചു. കരിയറില് ആദ്യ പകുതിയില്തന്നെ ഹാട്രിക് നേടുന്നത് ഇത് നാലാം തവണയാണ്. നേരത്തെ സെവിയ്യ, മല്ലോര്ക്ക, ആഴ്സണല് ടീമുകള്ക്കെതിരെ ആദ്യ പകുതിയില് ഹാട്രിക് നേടിയിട്ടുണ്ട്. ഈ സീസണിലെ മൂന്നാം ഹാട്രിക് കൂടിയാണിത്. സെല്റ്റ വിഗോ, മല്ലോര്ക്ക ടീമുകള്ക്കെതിരെയാണ് സീസണിലെ മറ്റ് ഹാട്രിക്കുകള്.