യുവന്റസിന്റെ ഹീറോയായി ഫവില്ലി...
ഇരട്ട ഗോള് നേടിയ ആന്ദ്രെ ഫവില്ലിയാണ് ബയേണിനെതിരേ യുവന്റസിന് മികച്ച വിജയം നേടിക്കൊടുത്തത്. 32, 40 മിനിറ്റുകളിലായിരുന്നു ഫവില്ലി യുവന്റസിനു വേണ്ടി സ്കോര് ചെയ്തത്.
വിജയത്തോടെ ബയേണിനെ മറികടന്ന് യുവന്റസ് പോയിന്റ് പട്ടികയില് രണ്ടാം സ്ഥാനത്തെത്തി. ഒരു മല്സരത്തില് നിന്ന് മൂന്ന് പോയി്്ന്റാണ് യുവന്റസിനുള്ളത്. രണ്ട് മല്സരങ്ങളില് നിന്ന് മൂന്ന് പോയിന്റാണ് ബയേണിന്.
ബെന്ഫിക്കയുടെ ഗംഭീര തിരിച്ചുവരവ്...
രണ്ട് ഗോളിനു പിന്നില് നിന്നതിനു ശേഷം ഗംഭീര തിരിച്ചുവരവ് നടത്തിയാണ് ഡോട്മുണ്ടിനെതിരേ ബെന്ഫിക്ക വിജയം കൈപിടിയിലൊതുക്കിയത്. ഇരട്ട ഗോള് നേടിയ മാക്സിമിലാന് ഫിലിപ്പാണ് ഡോട്മുണ്ടിന് ലീഡ് നേടിക്കൊടുത്തത്. 20, 22 മിനിറ്റുകളിലായിരുന്നു ഫിലിപ്പിന്റെ ഗോള് നേട്ടം.
എന്നാല്, കളിയുടെ രണ്ടാംപകുതിയില് ബെന്ഫിക്ക ഗംഭീര തിരിച്ചുവരവ് നടത്തുകയായിരുന്നു. ആന്ദ്രെ അല്മെയ്ദ (51ാം മിനിറ്റ്), അല്ഫ സെമേേഡാ (69) എന്നിവരാണ് ബെന്ഫിക്കയ്ക്കു വേണ്ടി ലക്ഷ്യംകണ്ടത്.
പെനാല്റ്റി ഷൂട്ടൗട്ടില് ഡോട്മുണ്ടിന്റെ സെര്ജിയോ ഗോമസിനും അലെക്സാണ്ടര് ഇസാക്കിനുമാണ് ലക്ഷ്യംപിഴച്ചത്. ആന്ദ്രെസ് സമാരിയസിന് ലക്ഷ്യം പിഴച്ചെങ്കിലും മറ്റു നാല് താരങ്ങളും ഡോട്മുണ്ടിന്റെ വലകുലുക്കി ബെന്ഫിക്കയ്ക്ക് വിജയം നേടിക്കൊടുക്കുകയായിരുന്നു.
തോറ്റെങ്കിലും ഏഴ് പോയിന്റോടെ ഡോട്മുണ്ടാണ് പട്ടികയില് തലപ്പത്ത്. രണ്ട് മല്സരങ്ങളില് വിജയിച്ച ഡോട്മുണ്ടിന് പെനാല്റ്റി ഷൂട്ടൗട്ടിലൂടെ തോറ്റതിനാല് ഒരു പോയിന്റും ലഭിക്കുകയായിരുന്നു. ടൂര്ണമെന്റിലെ ആദ്യ മല്സരത്തിലെ വിജയത്തോടെ ബെന്ഫിക്ക പോയിന്റ് പട്ടികയില് അഞ്ചാം സ്ഥാനത്തെത്തി.
സ്പോര്ട്സ് ഇഷ്ടമാണോ? എങ്കില് മൈഖേല് വായിക്കൂ.
കായിക ലോകത്തെ പുതിയ വാര്ത്തകള് അറിയാന് malayalam mykhel വായിക്കൂ. മൊബൈല് അലെര്ട്ടുകള് കൃത്യമായി ലഭിക്കാന് മുകള് ഭാഗത്ത് കാണുന്ന ബെല് ഐക്കണില് ക്ലിക്ക് ചെയ്യൂ.