Click it and Unblock the Notifications
Sporting Buzz
-
T20 World Cup: പന്തുള്ളപ്പോള് സഞ്ജു എന്തിന്? പഠാന്റെ ലോകകപ്പ് ടീമില് സഞ്ജുവും രാഹുലുമില്ല -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
IPL 2024: ടോസ് ഗുജറാത്തിന്, ഡല്ഹിയെ ബാറ്റിങ്ങിനയച്ചു -
IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
IPL 2024: സിഎസ്കെയുടെ വില്ലന് ജഡേജയല്ല, അത് ധോണി! കളി തോല്പ്പിച്ച മണ്ടന് തീരുമാനം ഇതാ -
IPL 2024: 2 ഓവറില് 11ന് 1, പിന്നെ ദീപക്കിന് ഓവറില്ല! കാരണം ധോണി? മത്സരത്തിനിടെ ദേഷ്യപ്പെട്ടു
ഗുവാഹത്തി: ഇന്ത്യന്‍ സൂപ്പര്‍ ലീഗിലെ സൂപ്പര്‍ പോരാട്ടത്തില്‍ നോര്‍ത്ത് ഈസ്റ്റ് യുണൈറ്റഡിനെ 3-1ന് തോല്‍പ്പിച്ച് എസ് സി ഈസ്റ്റ് ബംഗാള്‍. തുടര്‍ച്ചയായ രണ്ട് തോല്‍വികള്‍ക്ക് ശേഷം നോര്‍ത്ത് ഈസ്റ്റ് യുണൈറ്റഡിനെതിരേ ഇറങ്ങിയ എസ് സി ഈസ്റ്റ് ബംഗാള്‍ നോര്‍ത്ത് ഈസ്റ്റിനെ വിറപ്പിക്കുന്ന പ്രകടനമാണ് കാഴ്ചവെച്ചത്. നോര്‍ത്ത് ഈസ്റ്റിനെ തുടര്‍ച്ചയായ മൂന്നാം തോല്‍വിയിലേക്ക് ഈസ്റ്റ് ബംഗാള്‍ തള്ളിവിട്ട് ആശ്വാസ ജയം നേടിയെടുക്കുകയായിരുന്നു. ഈസ്റ്റ് ബംഗാളിനായി 11ാം മിനുട്ടില്‍ ക്ലെയ്റ്റന്‍ സില്‍വ, 52ാം മിനുട്ടില്‍ ഷാരിസ് കൈറിയാകൗ, 84ാം മിനുട്ടില്‍ ജോര്‍ദാന്‍ ഒ ഡോഹേര്‍ട്ടി എന്നിവര്‍ ഈസ്റ്റ് ബംഗാളിനായി ലക്ഷ്യം കണ്ടപ്പോള്‍ നോര്‍ത്ത് ഈസ്റ്റിന്റെ ആശ്വാസ ഗോള്‍ 90ാം മിനുട്ടില്‍ മാറ്റ് ഡെര്‍ബിഷെയിറും നേടി.
4-3-3 ഫോര്‍മേഷനിലിറങ്ങിയ നോര്‍ത്ത് ഈസ്റ്റ് യുണൈറ്റഡിനെ 4-4-2 ഫോര്‍മേഷനിലാണ് ഈസ്റ്റ് ബംഗാള്‍ നേരിട്ടത്. ആദ്യ പകുതിയില്‍ പന്തടക്കത്തിലും ആക്രമണത്തിലും നോര്‍ത്ത് ഈസ്റ്റ് യുണൈറ്റഡ് മുന്നിട്ട് നിന്നെങ്കിലും ലക്ഷ്യം കണ്ടത് ഈസ്റ്റ് ബംഗാളായിരുന്നു. 11ാം മിനുട്ടില്‍ ക്ലെയ്റ്റന്‍ സില്‍വയിലൂടെയാണ് ഈസ്റ്റ് ബംഗാള്‍ ലീഡെടുത്തത്. ഇടം വശത്തുകൂടിയുള്ള മുന്നേറ്റത്തിനൊടുവില്‍ നവോറം സിങ്ങിന്റെ അസിസ്റ്റില്‍ ക്ലീറ്റന്‍ സില്‍വ പന്ത് നോര്‍ത്ത് ഈസ്റ്റ് ഗോളി അരിന്‍ഡം ബട്ടാചാര്യയെ മറികടന്ന് വലയിലെത്തിക്കുകയായിരുന്നു.
മികച്ച പ്രതിരോധത്തിലൂന്നി ഈസ്റ്റ് ബംഗാള്‍ കളിച്ചതോടെ നോര്‍ത്ത് ഈസ്റ്റിന്റെ പല മുന്നേറ്റങ്ങളും ലക്ഷ്യത്തിലേക്കെത്തിയില്ല. 31ാം മിനുട്ടില്‍ രണ്ട് മാറ്റങ്ങളുമായി നോര്‍ത്ത് ഈസ്റ്റ് ഗോള്‍ മടക്കാന്‍ ശ്രമിച്ചെങ്കിലും ഫലം കണ്ടില്ല. 60 ശതമാനം പന്തടക്കത്തില്‍ മുന്നിട്ട് നില്‍ക്കാനും നാലിനെതിരേ അഞ്ച് ഗോള്‍ ശ്രമം നടത്താനും നോര്‍ത്ത് ഈസ്റ്റിനായെങ്കിലും ലക്ഷ്യം മാത്രം അകന്ന് നിന്നു. ഇതോടെ ആദ്യ പകുതിയില്‍ ഈസ്റ്റ് ബംഗാളിന് 1-0ന്റെ ലീഡ്.
രണ്ടാം പകുതിയില്‍ ആക്രമണത്തിലൂന്നി കളിക്കുന്ന ഈസ്റ്റ് ബംഗാളിനെയാണ് കണ്ടത്. 52ാം മിനുട്ടില്‍ ബംഗാള്‍ ലീഡുയര്‍ത്തി. മലയാളി താരം വിപി സുഹൈറിന്റെ അളന്നുമുറിച്ച പാസ് കൃത്യമായി ഷാരിസ് കൈറിയാകൗവിന്റെ കാലില്‍. ഗോളിക്ക് ഒരവസരം പോലും നല്‍കാതെ ഷാരിസ് പന്ത് പോസ്റ്റിന്റെ വലത് മൂലയിലെത്തിച്ചു. 63ാം മിനുട്ടില്‍ വീണ്ടും രണ്ട് മാറ്റങ്ങളുമായി നോര്‍ത്ത് ഈസ്റ്റ് തിരിച്ചുവരാന്‍ ശ്രമിച്ചെങ്കിലും മികച്ച പ്രതിരോധിത്തോടെ ഈസ്റ്റ് ബംഗാള്‍ കരുത്തുകാട്ടി.
71ാം മിനുട്ടില്‍ നോര്‍ത്ത് ഈസ്റ്റ് വീണ്ടും മാറ്റം വരുത്തി. 77ാം മിനുട്ടില്‍ ഈസ്റ്റ് ബംഗാള്‍ രണ്ട് മാറ്റങ്ങളാണ് വരുത്തിയത്. 84ാം മിനുട്ടില്‍ മൊബഷീര്‍ റഹ്‌മാന്‍ ഗോളിന് വഴിയൊരുക്കിയപ്പോള്‍ ജോര്‍ദാന്‍ ഒ ഡോഹേര്‍ട്ടിയിലൂടെ ബംഗാള്‍ മൂന്നാം ഗോള്‍ സ്‌കോര്‍ബോര്‍ഡില്‍ ചേര്‍ത്തു. 89ാം മിനുട്ടില്‍ വീണ്ടും രണ്ട് മാറ്റങ്ങളുമായി ബംഗാള്‍. 90ാം മിനുട്ടില്‍ നോര്‍ത്ത് ഈസ്റ്റ് യുണൈറ്റഡ് ആശ്വാസ ഗോള്‍ നേടി. ഇമില്‍ ബെന്നിയുടെ അസിസ്റ്റില്‍ മാറ്റ് ഡെര്‍ബിഷെയിറാണ് നോര്‍ത്ത് ഈസ്റ്റിന്റെ ആശ്വാസ ഗോള്‍ കണ്ടെത്തിയത്. എന്നാല്‍ തോല്‍വി ഒഴിവാക്കാന്‍ ഇത് മതിയാവുമായിരുന്നില്ല. 3-1ന്റെ തകര്‍പ്പന്‍ ജയം ഈസ്റ്റ് ബംഗാളിനൊപ്പം.
