Click it and Unblock the Notifications
ഐഎസ്എല് കൊണ്ട് തീരില്ല ഫുട്ബോള് പൂരം... പിന്നാലെ വരുന്നു സൂപ്പര് കപ്പ്, തിയ്യതി പ്രഖ്യാപിച്ചു
ഭുവനേശ്വര്: ഐഎസ്എല്, ഐ ലീഗ് ടീമുകള് മാറ്റുരയ്ക്കുന്ന ഇന്ത്യന് സൂപ്പര് കപ്പിന്റെ രണ്ടാം സീസണിന് മാര്ച്ചില് തുടക്കമാവും. മാര്ച്ച് 15 മുതല് ഏപ്രില് 13 വരെ ഭുവനേശ്വറിലെ കലിംഗ സ്റ്റേഡിയത്തിലാണ് മല്സരങ്ങള് നടക്കുക. യോഗ്യതാ മല്സരങ്ങളോടെയാണ് ടൂര്ണമെന്റിന്റെ തുടക്കം. ഐ ലീഗില് 11ാം സ്ഥാനത്തു ഫിനിഷ് ചെയ്യുന്ന ടീമിന് ഇത്തവണയും സൂപ്പര് കപ്പില് കളിക്കാന് അര്ഹതയുണ്ടാവില്ല.
20 ടീമുകളാണ് ഇന്ത്യന് സൂപ്പര് കപ്പിനായി പോര്ക്കളത്തിലിറങ്ങുന്നത്. ഐഎസ്എല്ലിലും ഐ ലീഗിലും ആദ്യ ആറു സ്ഥാനങ്ങളിലത്തുന്നവര് നേരിട്ടു യോഗ്യത നേടും. ഐഎസ്എല്ലില് അവസാന നാലു സ്ഥാനങ്ങളില് ഫിനിഷ് ചെയ്യുന്നവര്ക്കും ഐ ലീഗില് ഏഴു മുതല് 10 വരെ സ്ഥാനങ്ങളിലെത്തുന്നവര്ക്കും യോഗ്യതാ റൗണ്ട് കടന്നാല് മാത്രമേ സൂപ്പര് കപ്പിലേക്കു ടിക്കറ്റ് ലഭിക്കുകയുള്ളൂ.
നാലു ക്വാളിഫയര് മല്സരങ്ങള് രണ്ടു ദിവസങ്ങളിലായി നടക്കും. മാര്ച്ച് 15, 16 തിയ്യതികളിലായിരിക്കും യോഗ്യതാ പോരാട്ടങ്ങള്. മാര്ച്ച് 29 മുതലാണ് സൂപ്പര് കപ്പിന്റെ ഫൈനല് റൗണ്ട് മല്സരങ്ങള്ക്കു വിസില് മുഴങ്ങുന്നത്. കലാശപ്പോരാട്ടം ഏപ്രില് 13നാണ്. കഴിഞ്ഞ സീസണിലെ സൂപ്പര് കപ്പിന്റെ ഫൈനലില് ഐഎസ്എല് ടീം ബെംഗളൂരു എഫ്സിയും ഐ ലീഗിലെ ഈസ്റ്റ് ബംഗാളുമാണ് ഏറ്റുമുട്ടിയത്. സൂപ്പര് താരം സൂനില് ഛേത്രിയുടെ ഇരട്ടഗോള് മികവില് ബംഗാളിനെ 4-1ന് തകര്ത്ത് ബെംഗളൂരു ജേതാക്കളാവുകയും ചെയ്തിരുന്നു.
Story first published: Wednesday, February 6, 2019, 10:29 [IST]
Other articles published on Feb 6, 2019
X
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+