ലണ്ടന്: ഇംഗ്ലീഷ് പ്രീമിയര് ലീഗില് കിതയ്ക്കുന്ന മാഞ്ചസ്റ്റര് യുണൈറ്റഡിന് വീണ്ടും ഞെട്ടിക്കുന്ന തോല്വി. ന്യൂകാസില് യുണൈറ്റഡ് ആണ് ഏകപക്ഷീയമായ ഒരു ഗോളിന് മുന് ചാമ്പ്യന്മാരെ തോല്പ്പിച്ചത്. വിജയികള്ക്കുവേണ്ടി മാത്യു ലോങ്സ്റ്റാഫ് 72-ാം മിനിറ്റില് ഗോള് നേടി. പ്രീമിയര് ലീഗ് ചരിത്രത്തിലെ മോശം തുടക്കം ലഭിച്ച യുണൈറ്റഡിന് ഗോളവസരങ്ങള് തുറക്കാനോ മികവുറ്റ കളി കാഴ്ചവെക്കാനോ കഴിഞ്ഞില്ല.
സ്പാനിഷ് ലാ ലീഗയില് ബാഴ്സലോണ വമ്പന് ജയം ആഘോഷിച്ചു. കരുത്തരായ സെവിയ്യയെ 4-0 എന്ന നിലയിലാണ് ബാഴ്സ പരാജയപ്പെടുത്തിയത്. സുവാരസ്(27), വിദാല്(32), ഡംബാലെ(35), മെസ്സി(78) എന്നിവരാണ് സ്കോറര്മാര്. അത്ലറ്റിക്കോ മാഡ്രിഡ് റിയല് വല്ലാഡോളിഡിനോട്(0-0) സമനിലയില് പിരിഞ്ഞു. മറ്റു മത്സരങ്ങളില് മല്ലോര്ക്ക എസ്പാനിയോളിനേയും(2-0), സെല്റ്റ വിഗോ(1-0) അത്ലറ്റിക്കിനേയും ഗെറ്റാഫെ (2-1)റിയല് സൊസൈഡാഡിനേയും തോല്പ്പിച്ചു. ജയത്തോടെ ബാഴ്സ ലീഗില് രണ്ടാം സ്ഥാനത്തേക്കുയര്ന്നു. 18 പോയന്റുള്ള റയലിന് പിന്നിലാണ് 16 പോയന്റുളള ബാഴ്സലോണ.
സിറ്റിക്ക് ഞെട്ടിക്കുന്ന തോല്വി, ആഴ്സണലിനും ചെല്സിക്കും ജയം
ഇറ്റാലിയന് സീരി എയില് യുവന്റസ് ജയം കണ്ടെത്തി. ഇന്റര്മിലാനെ 2-1നാണ് ചാമ്പ്യന്മാര് കീഴ്പ്പെടുത്തിയത്. ഡിബാല(4), ഹിഗ്വയ്ന്(80) എന്നിവരാണ് സ്കോറര്മാര് മാര്ട്ടിനെസ്(18) ഇന്ററിന്റെ ആശ്വാസഗോള് നേടി. ലാഗിയോ ബൊളോഗനയുമായി(2-2) സമനിലയില് പിരിഞ്ഞു. റോമ(1-1)കഗ്ലിയാരി മത്സരവും നാപ്പോളി(0-0)ടോറിനോ മത്സരവും സമനിലയിലാണ് അവസാനിച്ചത്. ഫിയോറന്റീന ഒരു ഗോളിന് ഉദിനെസിനെ തോല്പ്പിച്ചു. 19 പോയന്റോടെ യുവന്റസും 18 പോയന്റോടെ ഇന്റര്മിലാനുമാണ് ലീഗില് ഒന്നും രണ്ടും സ്ഥാനങ്ങളില്.
പ്രോ കബഡി ലീഗ്; വിസ്മയ പ്രകടനവുമായി പര്ദീപ്, യുപി യോദ്ധയ്ക്കും ജയം
ഫ്രഞ്ച് ലീഗില് ലില്ലെ നിമെസ് മത്സരം സമനിലയില് കലാശിച്ചു. ഇരു ടീമുകളും രണ്ട് ഗോള്വീനം നേടി. റിംസ്(1-0)റെന്നസിനേയും ഇറ്റെയ്നി(1-0)ലിയോണിനേയും പരാജയപ്പെടുത്തി. ജര്മന് ബുണ്ടസ് ലീഗയില് വെര്ഡര് ബ്രമെന്(2-2)ഫ്രാങ്ക്ഫുര്ട്ട് മത്സരം സമനിലയില് അവസാനിച്ചു. ബൊറൂസിയ(5-1)ഓഗ്സ്ബര്ഗിനേയും വോള്ഫ്സ്ബര്ഗ്(1-0)യുനിയന് ബെര്ലിനേയും കീഴ്പ്പെടുത്തി.