ലാറ്റിനമേരിക്കയുടെ അന്തകരായി വീണ്ടും ഫ്രാന്‍സ്... സെമി ബെര്‍ത്ത്, ഉറുഗ്വേയ്ക്കും മടങ്ങാം (2-0)

By Manu D

1

നിഷ്‌നി നൊവ്‌ഗൊറോഡ്: റഷ്യന്‍ ലോകകപ്പില്‍ മറ്റൊരു ലാറ്റിനമേരിക്കന്‍ വമ്പന്‍മാരുടെയും കഥ കഴിച്ച് ഫ്രഞ്ച് കുതിപ്പ്. ആദ്യ ക്വാര്‍ട്ടര്‍ ഫൈനലില്‍ മുന്‍ ലോക ചാംപ്യന്‍മാരായ ഉറുഗ്വേയെയാണ് ഫ്രാന്‍സ് എതിരില്ലാത്ത രണ്ടു ഗോളുകള്‍ക്കു തകര്‍ത്തത്. നേരത്തേ പ്രീക്വാര്‍ട്ടറില്‍ ലാറ്റിനമേരിക്കയിലെ മറ്റൊരു അതികായന്‍മാരായ അര്‍ജന്റീനയുടെയും ചിറകരിഞ്ഞത് ഫ്രാന്‍സായിരുന്നു.

ഇരുപകുതികളിലുമായി റാഫേല്‍ വറാനും അന്റോണിയോ ഗ്രീസ്മാനുമാണ് ഉറുഗ്വേയ്‌ക്കെതിരേ ഫ്രഞ്ച് പടയുടെ സ്‌കോറര്‍മാര്‍. തകര്‍പ്പനൊരു ഹെഡ്ഡറിലൂടെയായിരുന്നു വറാനിന്റെ ഗോളെങ്കില്‍ ഗോളി ഫെര്‍ണാണ്ടോ മസ്ലേരയുടെ വന്‍ പിഴവാണ് രണ്ടാം ഗോളില്‍ കലാശിച്ചത്. പരിക്കിനെ തുടര്‍ന്നു സ്റ്റാര്‍ സ്‌ട്രൈക്കര്‍ എഡിന്‍സണ്‍ കവാനിക്കു പുറത്തിരിക്കേണ്ടി വന്നത് ഉറുഗ്വേയയ്ക്കു കനത്ത ആഘാതമായി. കവാനിയുടെ അഭാവം ഉറുഗ്വേ ആക്രമണത്തിന്റെ മൂര്‍ച്ച കുറയ്ക്കുകയായിരുന്നു.

09:23 pm

ഫൈനല്‍ വിസില്‍... 2-0ന്റെ ആധികാരിക ജയത്തോടെ ഫ്രാന്‍സ് സെമിയിലേക്ക് മുന്നേറി

09:20 pm

കളി ഇഞ്ചുറിടൈമില്‍. അഞ്ചു മിനിറ്റാണ് ഇഞ്ചുറിടൈമായി അനുവദിച്ചത്‌

09:15 pm

ഗോള്‍ മടക്കാന്‍ ഉറുഗ്വേ കിണഞ്ഞു ശ്രമിക്കുന്നുണ്ടെങ്കിലും ഒന്നു പോലും ഫ്രാന്‍സിന് വെല്ലുവിളിയുയര്‍ത്തുന്നില്ല

09:14 pm

മല്‍സരം അവസാന അഞ്ച് മിനിറ്റിലേക്ക്.. 2-0ന്റെ മികച്ച ലീഡുമായി ഫ്രാന്‍സ് ജയവും സെമി ബെര്‍ത്തും ഏറക്കുറെ ഉറപ്പിച്ചു കഴിഞ്ഞു

09:02 pm

മസ്ലേരയുടെ അബദ്ധ ഗോള്‍... ചിത്രങ്ങള്‍

09:00 pm

ഗ്രീസ്മാന്റെ ഗോള്‍... വീഡിയോ കാണാം

08:59 pm

മസ്ലേര രണ്ടാം ഗോള്‍ വഴങ്ങിയപ്പോള്‍ പൊട്ടിക്കരയുന്ന ഉറുഗ്വേ ആരാധകനായ ബാലന്‍

08:53 pm

ബോക്‌സിനു പുറത്തു നിന്നും ഗ്രീസ്മാന്‍ തൊടുത്ത ഇടം കാല്‍ ഷോട്ട് പിടിയിലൊതുക്കുന്നതില്‍ മസ്ലേരയ്ക്കു പിഴച്ചു. മസ്ലേരയുടെ കൈകളില്‍ കുത്തിയുയര്‍ന്ന പന്ത് വലയ്ക്കുള്ളില്‍ താഴ്ന്നിറങ്ങിയപ്പോള്‍ ഉറുഗ്വേ നിരാശയാല്‍ മുഖം പൊത്തി

08:52 pm

അന്റോണിയോ ഗ്രീസ്മാനാണ് ഫ്രാന്‍സിനായി വലകുലുക്കിയത്. ഫ്രാന്‍സിനെ സംബന്ധിച്ചിടത്തോളം ലക്കി ഗോള്‍ കൂടിയായിരുന്നു ഇത്.

08:50 pm

ഗോള്‍... ഉറുഗ്വേയുടെ പ്രതീക്ഷകള്‍ കൂടുതല്‍ അവതാളത്തിലാക്കി ഫ്രാന്‍സ് ലീഡുയര്‍ത്തി (2-0)

08:48 pm

59ാം മിനിറ്റില്‍ ഉറുഗ്വേ ടീമില്‍ രണ്ടു മാറ്റങ്ങള്‍. സ്റ്റുവാനി, ബെന്‍ടാന്‍കര്‍ എന്നിവര്‍ക്കു പകരം ഗോമസും ക്രിസ്റ്റിയന്‍ റോഡ്രിഗസും ഇറങ്ങി

08:40 pm

ഫ്രാന്‍സിന്റെ തുടര്‍ച്ചയായ മുന്നേറ്റങ്ങള്‍... ഉറുഗ്വേ ഏതു നിമിഷവും രണ്ടാം ഗോള്‍ വഴങ്ങിയേക്കും

08:33 pm

രണ്ടാം പകുതിക്ക് തുടക്കം

08:29 pm

ഒന്നാം പകുതി മാച്ച് സ്റ്റാറ്റസ്‌

08:19 pm

ഒന്നാം പകുതി അവസാനിച്ചു. വരാനെയുടെ ഹെഡ്ഡര്‍ ഗോളില്‍ ഫ്രാന്‍സ് 1-0ന് മുന്നിട്ടുനില്‍ക്കുന്നു

08:19 pm

ഫ്രാന്‍സിന്റെ ഗോളിന് സമാനമായ ആംഗിളില്‍ നിന്നും ഉറുഗ്വേയ്ക്ക് ഫ്രീകിക്ക്. ടൊറേറയുടെ കിക്ക് ഉറുഗ്വേ ഡിഫന്‍ഡര്‍ മാര്‍ട്ടിന്‍ കസേറസ് ചാടിയുയര്‍ന്ന് ഹെഡ്ഡ് ചെയ്‌തെങ്കിലും ഗോളി ലോറിസ് പറവയെ്‌പോലെ വലതുമൂലയിലേക്ക് മുഴുനീളെ ഡൈവ് ചെയ്ത് കൈ കൊണ്ട് ബ്ലോക്ക് ചെയ്തു

08:16 pm

44ാം മിനിറ്റില്‍ ഫ്രാന്‍സിന് സമനില ഗോളിനുള്ളള സുവര്‍ണാവസരം. എന്നാല്‍ ഗോളി ലോറിസിന്റെ അവിശ്വസനീയ സേവ് ഫ്രാന്‍സിനെ കാത്തു

08:15 pm

ബോക്‌സിന്റെ വലതു മൂലയില്‍ വച്ച് ഫ്രാന്‍സിന് അനുകൂലമായി ഫ്രീകിക്ക്. അന്റോണിയോ ഗ്രീസ്മാന്റെ ഫ്രീകിക്ക് ഉറുഗ്വേ ഡിഫന്‍ഡര്‍മാര്‍ക്കിടയിലൂടെ മിന്നല്‍ വേഗത്തില്‍ ഓടിക്കയറിയ വരാനെ തല കൊണ്ട് വലയിലേക്ക് ചെത്തിയിട്ടപ്പോള്‍ ഗോളി മസ്ലേര നിസ്സഹായനായിരുന്നു

08:12 pm

ഗോള്‍... കാണികളുടെ വിരസതയ്ക്ക് വിരാമമിട്ട് ഫ്രാന്‍സ് അക്കൗണ്ട് തുറന്നു (1-0). 40ാം മിനിറ്റില്‍ ഡിഫന്‍ഡന്‍ റാഫേല്‍ വരാനെയാണ് ഗോള്‍ നേടിയത്‌

08:05 pm

30ാം മിനിറ്റില്‍ വീണ്ടും ഫ്രാന്‍സിന്റെ മുന്നേറ്റം. എന്നാല്‍ പവാര്‍ഡിന്റെ ക്രോസ് കണക്ട് ചെയ്യുന്നതില്‍ ജിറൂഡ് പരാജയപ്പെട്ടു

08:02 pm

28ാം മിനിറ്റില്‍ ഫ്രാന്‍സിന് ലീഡ് നേടാന്‍ അവസരം. എന്നാല്‍ വലതു മൂലയില്‍ നിന്നുള്ള പോള്‍ പോഗ്ബയുടെ മനോഹരമായ ക്രോസ് കണക്ട് ചെയ്യാന്‍ ഒലിവര്‍ ജിറൂഡിനായില്ല

07:55 pm

14ാം മിനിറ്റില്‍ ഫ്രഞ്ച് ഗോളി ഹ്യൂഗോ ലോറിസ് ആദ്യ സേവ് നടത്തി. ഉറുഗ്വേയ്ക്ക് അനുകൂലമായി വലതുമ മൂലയില്‍ നിന്നുള്ള കോര്‍ണര്‍ കിക്കില്‍ ഡീഗോ ഗോഡിന്റെ ക്ലോസ് റേഞ്ച് ഹെഡ്ഡര്‍ ലോറിസ് മുന്നോട്ട് ഡൈവ് ചെയ്ത് കുത്തിയകറ്റി

07:41 pm

10 മിനിറ്റ് കഴിഞ്ഞപ്പോള്‍ ഗോള്‍കീപ്പര്‍ക്കു ഭീഷണിയുയര്‍ത്തുന്ന ഒരു ഷോട്ട് പോലും പരീക്ഷിക്കാന്‍ ഇരുടീമിനുമായിട്ടില്ല

07:34 pm

മല്‍സരത്തിന് വളരെ പതിഞ്ഞ തുടക്കം. വളരെ ശ്രദ്ധയോടെയാണ് ഇരുടീമും തുടങ്ങിയത്

07:30 pm

പീീീീപ്... വിസില്‍ മുഴങ്ങി, ഫ്രാന്‍സ്- ഉറുഗ്വേ ക്വാര്‍ട്ടര്‍ പോരിന് തുടക്കം

07:26 pm

ഇവര്‍ തുറുപ്പുചീട്ടുകള്‍

07:25 pm

ലൈനപ്പ്‌

For Quick Alerts
ALLOW NOTIFICATIONS
For Daily Alerts

Story first published: Friday, July 6, 2018, 19:14 [IST]
Other articles published on Jul 6, 2018
ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?

myKhel ലില്‍ നിന്നും ഏറ്റവും പുതിയ വാര്‍ത്തകള്‍ അറിയാന്‍

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more