Click it and Unblock the Notifications
എവര്ട്ടന് ബ്രില്യന്റ് !!
എഴുപത്തൊന്ന് ശതമാനം ബോള് പൊസഷനുണ്ടായിരുന്ന സിറ്റിക്കെതിരെ എവര്ട്ടന്റെ തന്ത്രം കൗണ്ടര് അറ്റാക്കിംഗായിരുന്നു. അതു പോലെ സിറ്റിയുടെ മുന്നേറ്റങ്ങള് ബോക്സിന് മുന്നില് വെച്ച് വിദഗ്ധമായി തടയുവാന് എവര്ട്ടന് പ്രതിരോധ-മധ്യനിരക്ക് സാധിച്ചു.
നാല് ഗോളുകള്..
മുപ്പത്തിനാലാം മിനുട്ടില് ബെല്ജിയംതാരം റൊമേലു ലുകാകുവിലൂടെ തുടക്കം. രണ്ടാം പകുതിയിലായിരുന്നു മൂന്ന് ഗോളുകള്. മിറാലെസ് നാല്പ്പത്തേഴാം മിനുട്ടിലും ഡേവിസ് എഴുപത്തൊമ്പതാം മിനുട്ടിലും ഗോളടിച്ചു. സ്റ്റോപ്പേജ് ടൈമിലായിരുന്നു നാലാം ഗോള്. ലൂക്മാന്റെവക.
ടോം ഡേവിസാണ് താരം..
മൂന്ന് ഗോളുകള്ക്ക് പിന്നിലും ടോം ഡേവീസായിരുന്നു. ഒരു ഗോള് നേടുകയും ചെയ്തു. ഗ്രൗണ്ടില് മറ്റേതൊരു താരത്തേക്കാളും ഓടിക്കളിച്ചത് ഡേവീസായിരുന്നു. ലീഗില് രണ്ടാമത്തെ തവണ മാത്രമാണ് എവര്ട്ടനില് സ്റ്റാര്ട്ടിംഗ് ലൈനപ്പില് ഇടം ലഭിക്കുന്നത്. ഇനി സ്ഥിരം സ്റ്റാര്ട്ടറായേക്കും.
കിരീട പ്രതീക്ഷ അസ്തമിച്ചു..
തന്റെ ടീമിന്റെ കിരീട പ്രതീക്ഷ അവസാനിച്ചുവെന്ന് സിറ്റി കോച്ച് പെപ് ഗോര്ഡിയോള. ബോക്സിനുള്ളില് വളരെ മോശമാണ് തന്റെ ടീം. ഗോളാക്കേണ്ട അവസരങ്ങള് പാഴാക്കരുത്. പിഴവുകള്ക്ക് ഇവിടെ സ്ഥാനമില്ല.
ലിവര്പൂളിനെ ഇബ്രാഹിമോവിച് തടഞ്ഞു..
ഇരുപത്തേഴാം മിനുട്ടില് മില്നറുടെ ഗോളില് ലീഡെടുത്ത ലിവര്പൂള് മാഞ്ചസ്റ്ററിന്റെ തട്ടകത്തില് വിജയം സ്വപ്നം കണ്ടിരുന്നു. എണ്പത്തിനാലാം മിനുട്ടില് സ്വീഡിഷ് സ്ട്രൈക്കര് ഇബ്രാഹിമോവിചിലൂടെ മാഞ്ചസ്റ്റര് യുനൈറ്റഡ് സമനില ഗോള് നേടിയതോടെ ആ സ്വപ്നം തകര്ന്നു.
ഗോള് നില
എവര്ട്ടന് 4-0 മാഞ്ചസ്റ്റര് സിറ്റി
മാഞ്ചസ്റ്റര് യുനൈറ്റഡ് 1-1 ലിവര്പൂള്
Continue with Google