ലണ്ടന്: ഇംഗ്ലീഷ് പ്രീമിയര് ലീഗില് ജയത്തോടെ മാഞ്ചസ്റ്റര് സിറ്റിയും ചെല്സിയും. സിറ്റി എതിരില്ലാത്ത മൂന്നു ഗോളുകള്ക്ക് ആസ്റ്റണ്വില്ലയെ തോല്പ്പിച്ചപ്പോള് ചെല്സി 4-2ന് ബേണ്ലിയേയും പരാജയപ്പെടുത്തി. വാറ്റ്ഫോര്ഡ് ബോണിമൗത്ത് മത്സരം ഗോള്രഹിത സമനിലയില് കലാശിച്ചു. മറ്റു മത്സരഫലങ്ങള്, ബ്രൈറ്റണ്(3-2)എവര്ട്ടന്, വെസ്റ്റ്ഹാം(1-1)ഷെഫീല്ഡ് യുണൈറ്റഡ്.
ആദ്യ പകുതിയില് ഗോള് കണ്ടെത്താനാകാതെ ഉഴറിയ സിറ്റി രണ്ടാം പകുതിയുടെ തുടക്കത്തില്തന്നെ സ്കോര് ചെയ്തതോടെ മത്സരത്തില് പിടിമുറുക്കി. റഹീം സ്റ്റര്ലിങ്(46), ഡേവിഡ് സില്വ(65), ഗുണ്ടോഗന്(70) എന്നിവരാണ് സ്കോറര്മാര്. 87-ാം മിനിറ്റില് സിറ്റിയുടെ ഫെര്ണാണ്ടീന്യോ ചുവപ്പുകാര്ഡ് കണ്ട് പുറത്തായി. ക്രിസ്റ്റ്യന് പുലിസിച്ചിന്റെ(21, 45, 56) ഹാട്രിക് ഗോളാണ് ചെല്സിക്ക് വിജയം അനായാസമാക്കിയത്. വില്യന്(58) മറ്റൊരു ഗോള് നേടി. റോഡ്രിഗസ്(86), മക്നീല്(89) എന്നിവരാണ് ബേണ്ലിയുടെ സ്കോറര്മാര്.
വിസ്മയ പ്രകടനവുമായി സാത്വിക്കും ചിരാഗും; ഫ്രഞ്ച് ഓപ്പണ് ബാഡ്മിന്റണ് ഫൈനലില്
സ്പാനിഷ് ലാ ലീഗയില് അത്ലറ്റിക്കോ മാഡ്രിഡ് എതിരില്ലാത്ത രണ്ടു ഗോളുകള്ക്ക് അത്ലറ്റിക്കോ ക്ലബ്ബിനെ തോല്പ്പിച്ചു. റയല് വല്ലാഡോളിഡ് (2-0) ഐബറിനേയും, ലെഗാനെസ് (1-0) മല്ലോര്ക്കയേയും പരാജയപ്പെടുത്തി. ഇറ്റാലിയന് സീരി എ യില് യുവന്റസും ഇന്റര്മിലാനും സമനിലയില് കുരുങ്ങി. യുവന്റസ് ലീസിനെതിരെയും(1-1), ഇന്റര്മിലാന് (2-2) പാര്മയോടുമാണ് കുരുങ്ങിയത്. 9 മത്സരങ്ങള് കളിച്ചപ്പോള് 23 പോയന്റുമായി യുവന്റസും 22 പോയന്റുമായി ഇന്റര്മിലാനുമാണ് ഒന്നും രണ്ടും സ്ഥാനത്ത്.
ഐഎസ്എല്: നോര്ത്ത് ഈസ്റ്റിന് ആദ്യ ജയം, തോല്വി തുടര്ന്ന് ഒഡീഷ
ബുണ്ടസ് ലീഗയില് ബയേണ് മ്യൂണിക്ക് 2-1ന് യുനിയന് ബര്ലിനെ കീഴ്പ്പെടുത്തി. ഷാല്ക്കെ ബൊറൂസിയ ഡോട്ട്മുണ്ട് മത്സരം സമനിലയില് കലാശിച്ചു. ഫ്രഞ്ച് ലീഗില് ലില്ലെ 3-0ത്തിന് ബോര്ഡിയക്സിനോട് തോറ്റു. ലിയോണ് മെറ്റ്സിനേയും(2-0), സ്ട്രാസ്ബര്ഗ് നൈസിനേയും (1-0) പരാജയപ്പെടുത്തി. ബ്രിസ്റ്റ് (2-0) ഡിജോണ്, റിംസ് (0-0) നിമെസ് എന്നിങ്ങിനെയാണ് മറ്റു മത്സരഫലങ്ങള്.