അന്താരാഷ്ട്ര മല്‍സരം: റൊണാള്‍ഡോ പോര്‍ച്ചുഗല്‍ ടീമിലില്ല... ഒഴിവാക്കിയതോ, വിശ്രമം നല്‍കിയതോ?

ലിസ്ബണ്‍: സൂപ്പര്‍താരവും ടീം ക്യാപ്റ്റനുമായ ക്രിസ്റ്റിയാനോ റൊണാള്‍ഡോയെ പോര്‍ച്ചുഗല്‍ ടീമിലുള്‍പ്പെടുത്തിയില്ല. ഈ മാസം പോളണ്ട്, സ്‌കോട്ട്‌ലാന്‍ഡ് എന്നീ ടീമുകള്‍ക്കെതിരേ നടക്കാനിരിക്കുന്ന അന്താരാഷ്ട്ര മല്‍സരങ്ങള്‍ക്കുള്ള പോര്‍ച്ചുഗീസ് ടീമിലാണ് റൊണാള്‍ഡോയുടെ പേരില്ലാത്തത്.

ഈയടുത്തായി താരത്തിനെതിരേ പീഢനാരോപണം ഉയര്‍ന്നിരുന്നു. ഇതിനു പിന്നാലെ താന്‍ ഏതാന്വേഷണവും നേരിടാന്‍ തയ്യാറാണെന്നും റൊണാള്‍ഡോ വ്യക്തമാക്കിയിരുന്നു. എന്നാല്‍, ഈ ആരോപണങ്ങളൊന്നുമല്ല റൊണാള്‍ഡോയ്ക്ക് വിശ്രമം നല്‍കിയത് മൂലമാണ് ടീമിലേക്ക് പരിഗണിക്കാത്തതെന്നാണ് റിപോര്‍ട്ടുകള്‍. സെപ്തംബറില്‍ പോര്‍ച്ചുഗലിന്റെ അന്താരാഷ്ട്ര മല്‍സരം നടന്നപ്പോഴും റൊണാള്‍ഡോയ്ക്ക് ടീം വിശ്രമം അനുവദിച്ചിരുന്നു.