അള്‍ജീരിയയെ കീഴടക്കി നൈജീരിയന്‍ കരുത്തറിയിക്കല്‍, ലോകകപ്പ് യോഗ്യത റൗണ്ടില്‍ ഉഗാണ്ടക്കും ജയം

ഉയോ(നൈജീരിയ): ആഫ്രിക്കന്‍ മേഖല ഫിഫ ലോകകപ്പ് യോഗ്യതാ റൗണ്ടില്‍ നൈജീരിയക്കും ഉഗാണ്ടക്കും ജയം. നൈജീരിയ 3-1ന് അള്‍ജീരിയയെ തകര്‍ത്തപ്പോള്‍ ഉഗാണ്ട ഏകപക്ഷീയമായ ഒരു ഗോളിന് കോംഗോയെ കീഴടക്കി. കാമറൂണ്‍ - സാംബിയ മത്സരം 1-1ന് പിരിഞ്ഞു.

അള്‍ജീരിയയില്‍ നടന്ന മത്സരത്തില്‍ നൈജീരിയക്ക് ഗംഭീര ജയമൊരുക്കിയത് ചെല്‍സി താരങ്ങളായ വിക്ടര്‍ മോസസും ജോണ്‍ ഒബി മിഖേലുമാണ്. ആദ്യ പകുതിയില്‍ ഇരുവരും സ്‌കോര്‍ ചെയ്തു. രണ്ടാം പകുതിയില്‍ നബീല്‍ ബെന്റാലെബിലൂടെ അള്‍ജീരിയ ഗോള്‍ മടക്കി. എന്നാല്‍, അവസാന മിനുട്ടുകളില്‍ മോസസിന്റെ രണ്ടാം ഗോളില്‍ നൈജീരിയ ജയം ആധികാരികമാക്കി.

ഗ്രൂപ്പ് ബിയില്‍ ഇതോടെ നാല് പോയിന്റ് ലീഡില്‍ നൈജീരിയ ഒന്നാം സ്ഥാനത്ത് തുടരുന്നു. കാമറൂണാണ് പിറകിലുള്ളത്. പൂള്‍ ജേതാക്കള്‍ മാത്രമാണ് ലോകകപ്പ് യോഗ്യത നേടുക എന്നതിനാല്‍ പോരാട്ടം ഇഞ്ചോടിഞ്ചാണ്.

ഗോള്‍ നില

നൈജീരിയ 3-1 അള്‍ജീരിയ

കാമറൂണ്‍ 1-1 സാംബിയ

ഉഗാണ്ട 1-0 കോംഗോ