Barcelona retained top spot in La Liga as secure victory in the derby against Espanyol

മാഡ്രിഡ്: സ്പാനിഷ് ലാ ലിഗയില്‍ റയല്‍ മാഡ്രിഡിനും ബാഴ്‌സലോണക്കും അത്‌ലറ്റിക്കോ മാഡ്രിഡിനും ജയം. റയല്‍ ഹോം മാച്ചില്‍ 2-1ന് വലന്‍ഷ്യയെ മറികടന്നപ്പോള്‍ ബാഴ്‌സലോണ എവേ മാച്ചില്‍ എസ്പാനിയോളിനെ മടക്കമില്ലാത്ത മൂന്ന് ഗോളുകള്‍ക്ക് തകര്‍ത്തു. ലാസ് പല്‍മസിനെതിരെ അത്‌ലറ്റിക്കോ മാഡ്രിഡിന്റെ ജയം എതിരില്ലാത്ത അഞ്ച് ഗോളുകള്‍ക്കായിരുന്നു. മറ്റ് മത്സരങ്ങളില്‍ റയല്‍ സോസിഡാഡ് 2-1ന് ഗ്രനഡയെയും കീഴടക്കി. കിരീടപ്പോരില്‍ റയലിന് ഭീഷണി ഉയര്‍ത്തിക്കൊണ്ട് ബാഴ്‌സലോണ 81 പോയിന്റുമായി ഒന്നാം സ്ഥാനത്തേക്ക് കയറിയതാണ് ശ്രദ്ധേയം.

ബാഴ്‌സ 35 മത്സരങ്ങള്‍ കളിച്ചപ്പോള്‍ റയലിന് 34 മത്സരങ്ങളില്‍ 81 പോയിന്റുള്ളത് നേരിയ മുന്‍തൂക്കം നല്‍കുന്നുണ്ട്. അതേ സമയം, ഗോള്‍ ആവറേജില്‍ ബാഴ്‌സക്കാണ് മേല്‍ക്കൈ. അതുകൊണ്ടാണ് തുല്യ പോയിന്റിലെത്തുമ്പോള്‍ ബാഴ്‌സ റയലിനെ മറികടക്കുന്നത്. ബാഴ്‌സയുടെ ഗോള്‍ ആവറേജ് 71 ഉം റയലിന്റെത് 53 ഉം ആണ്.