Click it and Unblock the Notifications
ഇഞ്ചോടിഞ്ച്..
ലാ ലിഗയില് ബാഴ്സ 36 മത്സരങ്ങളില് 84 പോയിന്റും റയല് 35 മത്സരങ്ങളില് 84 പോയിന്റും സ്വന്തമാക്കി ഇഞ്ചോടിഞ്ച് നില്ക്കുന്നു. ഒരു മത്സരം അധികം കളിക്കാനുള്ളതിനാല് റയലിന് മുന്തൂക്കമുണ്ട്. ഗോള് ആവറേജില് ബാഴ്സക്ക്ാണ് മേല്ക്കൈ. അതിനാല് നിലവില് ഒന്നാം സ്ഥാനം അലങ്കരിക്കുന്നത് ബാഴ്സയാണ്.
റോഡ്രിഗസും മൊറാട്ടയും ഡബിള്..
ഗ്രനഡയുടെ തട്ടകത്തില് റയലിന്റെ ജയം ഗംഭീരമാക്കിയത് ഹാമിഷ് റോഡ്രിഗസും അല്വാര മൊറാട്ടയും നേടിയ ഇരട്ട ഗോളുകളാണ്. 3,11 മിനുട്ടുകളിലാണ് കൊളംബിയന് സ്ട്രൈക്കര് ഹാമിഷിന്റെ ഫിനിഷിംഗ്. മൊറാട്ട 30,35 മിനുട്ടുകളിലും. ആദ്യപകുതിയില് തന്നെ നാല് ഗോളുകളും പിറന്നു.
നെയ്മര്-മെസി-സുവാരസ്...
ഇരുപത്തൊന്നാം മിനുട്ടില് മെസിയുടെ പാസില് നെയ്മറുടെ കൂള് ഫിനിഷിംഗ്. നാല്പ്പത്തഞ്ചാം മിനുട്ടില് മെസിയുടെ തകര്പ്പന് ഗോള്. ്അറുപത്തൊമ്പതാം മിനുട്ടില് സുവാരസിന്റെ ഫിനിഷിംഗ്. എണ്പത്തിരണ്ടാം മിനുട്ടില് പെനാല്റ്റി ലക്ഷ്യത്തിലെത്തിച്ച് മെസിയുടെ ഡബിള്. ബാഴ്സ തകര്ത്താടിയത് സുപ്പര് മുന്നേറ്റക്കാരുടെ പിന്ബലത്തില്. ബകാംബു മുപ്പത്തിരണ്ടാം മിനുട്ടില് വിയ്യാറയലിനായി സ്കോര് ചെയ്തു.
സീസണില് മെസിക്ക് അമ്പത് ഗോള്...
വിവിധ ചാമ്പ്യന്ഷിപ്പുകളില് നിന്നായി മെസി നടപ്പ് സീസണില് അമ്പത് ഗോളുകള് പൂര്ത്തിയാക്കി. യൂറോപ്പിലെ ടോപ് ഡിവിഷന് ലീഗ് കളിക്കുന്നവരില് ആദ്യം അമ്പത് ഗോളുകള് പൂര്ത്തിയാക്കുന്നത് മെസിയാണ്.
ക്രിസ്റ്റ്യാനോക്ക് വിശ്രമം...
ചാമ്പ്യന്സ് ലീഗില് അത്ലറ്റിക്കോ മാഡ്രിഡിനെതിരെ രണ്ടാം പാദ സെമി കളിക്കാനുള്ളതിനാല് റയല് മാഡ്രിഡ് കോച്ച് സിദാന് സൂപ്പര് താരത്തിന് വിശ്രമം അനുവദിച്ചു. ആദ്യ പാദത്തില് ക്രിസ്റ്റ്യാനോ ഹാട്രിക്ക് നേടിയിരുന്നു.
ഗോള് നില..
ബാഴ്സലോണ 4-1 വിയ്യാറയല്
ഗ്രനഡ 0-4 റയല് മാഡ്രിഡ്
സ്പോര്ട്ടിംഗ് ഗിയോണ് 1-0 ലാസ് പല്മാസ്
അത്ലറ്റിക്കോ മാഡ്രിഡ് 1-0 എയ്ബര്
Continue with Google