യൂറോപ്പ ലീഗ്: തോറ്റിട്ടും 'ചിരിച്ച്' ആഴ്‌സനല്‍.. ജയിച്ചിട്ടും 'കരഞ്ഞ്' നാപ്പോളി

ഗണ്ണേഴ്സിന്‍റെ തോല്‍വി സ്വീഡിഷ് ടീമിനോട്

റൗണ്ട് 32 ലെ രണ്ടാം പാദ മല്‍സരത്തില്‍ ആഴ്‌സനല്‍ സ്വീഡിഷ് ചെറുടീമായ ഒസ്റ്റെര്‍സണ്ട്‌സിനോട് ഞെട്ടിക്കുന്ന തോല്‍വിയേറ്റുവാങ്ങി. സ്വന്തം കാണികള്‍ക്കു മുന്നില്‍ 1-2നായിരുന്നു ഗണ്ണേഴ്‌സ് പരാജയപ്പെട്ടത്. മല്‍സരശേഷം കൂവലോടെയാണ് ആഴ്‌സനല്‍ ആരാധകര്‍ ടീമിനെ പരിഹസിച്ചത്. തോറ്റെങ്കിലും ഒന്നാംപാദത്തില്‍ നേടിയ 3-0ന്റെ ജയം ആഴ്‌സനലിനെ നോക്കൗട്ട് റൗണ്ടിലെത്തിച്ചു.

ലെയ്പ്ഷിഗ് വണ്ടര്‍

ജര്‍മന്‍ ലീഗ് ലെയ്പ്ഷിഗിനോടാണ് നാപ്പോളി അപ്രതീക്ഷിത തോല്‍വിയേറ്റുവാങ്ങിയത്. രണ്ടാംപാദത്തില്‍ എതിരില്ലാത്ത രണ്ടു ഗോളുകള്‍ക്കു ജയിച്ചെങ്കിലും ഒന്നാംപാദത്തിലേറ്റ 1-3ന്റെ തോല്‍വി നാപ്പോളിക്കു പുറത്തേക്കുള്ള വഴി തുറക്കുകയായിരുന്നു.

മറ്റു മല്‍സരഫലങ്ങള്‍

മറ്റു മല്‍സരങ്ങളില്‍ എസി മിലാന്‍ ഇരുപാദങ്ങളിലുമായി ല്യുഡോഗോറെറ്റ്‌സിനെയും (4-0) അത്‌ലറ്റിക് ബില്‍ബാവോ സ്പാര്‍ട്ടക് മോസ്‌കോയെയും (4-3) അത്‌ലറ്റികോ മാഡ്രിഡ് എഫ്‌സി കോപ്പന്‍ഹേഗനെയും (5-1) സിഎസ്‌കെഎ മോസ്‌കോ ക്രെന സ്വെഡയെയും (1-0) ബൊറൂസ്യ ഡോട്മുണ്ട് അറ്റ്‌ലാന്റയെയും (4-3) ഡയനാമോ കീവ് എഇകെയെയും (എവേ ഗോള്‍ ജയം) ലാസിയോ സ്റ്റുവ ബുക്കറെസ്റ്റിയെയും (5-2) ലോക്കോമോട്ടീവ് മോസ്‌കോ നീസിനെയും (4-2) ലിയോണ്‍ വിയ്യാറയലിനെയും (4-1) മാഴ്‌സെ ബ്രാഹയെയും (3-1) പ്ലെസന്‍ പാര്‍ട്ടിസാനെയും (3-1) സാല്‍സ്ബര്‍ഗ് റയല്‍ സോസിഡാഡിനെയും (4-3) സ്‌പോര്‍ട്ടിങ് ലിസ്ബണ്‍ അസ്താനയെയും (6-4) സെനിത് സെന്റ് പീറ്റേഴ്‌സ്ബര്‍ഗ് കെല്‍റ്റിക്കിനെയും (3-1) പരാജയപ്പെടുത്തി.