ആരാധകര്‍ക്കു നിരാശ... ഗ്രൗണ്ടിലിറങ്ങാന്‍ വൈകിച്ച് യുവിയും ടീമും!! ഇതിന് കാരണവുമുണ്ട്

രണ്ടു മണിക്കൂര്‍ വൈകി

ഓസീസ് താരം ജോര്‍ജ് ബെയ്‌ലി നയിച്ച മോണ്‍ട്രിയല്‍ ടൈഗേഴ്‌സിനെതിരായ മല്‍സരത്തിലാണ് യുവിയും ടീമും ഗ്രൗണ്ടിലിറങ്ങാന്‍ വൈകിയത്. ഇതേ തുടര്‍ന്നു രണ്ടു മണിക്കൂറോളം വൈകിയാണ് മല്‍സരം തുടങ്ങിയത്.
ഇതേ തുടര്‍ന്നു സംഘാടകര്‍ മാപ്പു ചോദിക്കുകയും ചെയ്തു.
താരങ്ങളും ഗ്ലോബല്‍ ടി20 ലീഗും ഫ്രാഞ്ചൈസി ഉടമകളും തമ്മിലുള്ള പ്രശ്‌നങ്ങളാണ് മല്‍സരം വൈകിച്ചതെന്നും സംഘാടകര്‍ വാര്‍ത്താക്കുറിപ്പിലൂടെ അറിയിച്ചു.

പ്രതിഷേധത്തിന് കാരണം

താരങ്ങള്‍ക്കുള്ള പ്രതിഫലം വൈകിയതിനെ തുടര്‍ന്നാണ് യുവിയും ടീമും പ്രതിഷേധിച്ചത്. പുതിയ ടൂര്‍ണമെന്റായതിനാല്‍ തന്നെ പല വെല്ലുവിളികളും നേരിടേണ്ടി വരുമെന്നും തങ്ങള്‍ക്കൊപ്പം നിന്ന ഓഹരി ഉടമകളോട് നന്ദിയുണ്ടെന്നും സംഘാടകര്‍ വാര്‍ത്താക്കുറിപ്പില്‍ വിശദമാക്കി.

യുവി മികച്ച ഫോമില്‍

കഴിഞ്ഞ ഐപിഎല്ലിനു ശേഷം യുവി കളിക്കുന്ന ആദ്യത്തെ ടൂര്‍ണമെന്റ് കൂടിയാണ് ഗ്ലോബല്‍ ടി20. ടൊറൊന്റോ നാഷണല്‍സ് ടീമിനായി ചില മികച്ച ഇന്നിങ്‌സുകള്‍ കളിക്കാന്‍ അദ്ദേഹത്തിനായിരുന്നു.
ബ്രംപ്റ്റണ്‍ വോള്‍ഫ്‌സിനെതിരായ കളിയില്‍ തന്റെ സുവര്‍ണകാലത്തെ അനുസ്മരിപ്പിക്കും വിധം തകര്‍ത്തു കളിച്ച യുവി 22 പന്തില്‍ 51 റണ്‍സ് അടിച്ചെടുത്തിരുന്നു. അഞ്ചു സിക്‌റുകളും മൂന്നു ബൗണ്ടറികളും അദ്ദേഹത്തിന്റെ ഇന്നിങ്‌സിലുണ്ടായിരുന്നു.